El vienres 11, a les 19 hores, el Llar de Corvera va ser l'escenariu esta tarde d'una nueva propuesta d'Adolfo Camilo Díaz, xunto a la caterva d'actores corveranos que formen les homes y muyeres, d'ente 40 a 70 años, de los sos Talleres de Teatru durante tol añu.
Trátase de ¡Menos llobos! Traxicomedia pa públicos cómplices, onde los actores de los Talleres de Teatru Corveranos darán vida a les propuestes de tracamuendiu del cuentu de Capiellín Encarnáu de seis autores asturianos (Janibel Benítez, Ana Rosa Ordiz, Luis Barrera, Carmen Campo, Manuel Valiente y Sergio Buelga).
L'actu de destrucción del clásicu que mos dexara trescritu Perrault, ye una más de les numberoses acciones que l'Ayuntamientu de Corvera ta llevando a cabu dientro de les Xornaes de la Muyer y va tener como colofón la proyeición d'una versión en vidiu de la propuesta de Sergio Buelga.
Munchos ésitos pa esta singular propuesta de microteatru reivindicativu.
Munchos ésitos pa esta singular propuesta de microteatru reivindicativu.