Esta nueche, a les 23 hores, el Teatru Prendes abre les sos puertes al XXV Salón de Teatru Costumista Asturianu de Candás, el festival de teatru con mayor continuida d'Asturies y el llugar d'alcuentru de buena parte de les compañíes teatrales amateurs que faen el so llabor nel idioma llariegu.
La edición d'esti añu, presentóse'l pasáu vienres 14, na Feria Internacional de Muestras d'Asturies, cola presencia de miembros de la corporación de Carreño, como l'alcaldesa Amelia Fernández y el conceyal de cultura, Gabriel Rodríguez, el presidente de FETEAS, José Ramón López, el catedráticu y espertu en teatru costumista, Jesús Menéndez Peláez, y el direutor de la Compañía Asturiana de Comedias, Eladio Sánchez.
 |
| Presentación del Salón en la FIDMA. |
Van ser doce representaciones de teatru costumista, d'ente les cuales diez sedrán echaes por grupos de FETEAS y cola presencia del grupu Xana de Perlora, esponente del teatru en Carreño. Y siete d'estos montaxes van ser estrenos.
Los llibretos de les obres tienen como protagonista másimu al autor sierense José Ramón Oliva, ganador l'añu pasáu, ente otros munchos premios, del Autora Sánchez al Meyor Testu Costumista Asturianu. D'Oliva representaránse cuatro obres. Con dos, el más clásicu de los autores asturianos, Eladio Verde. A destacar, l'esfuerciu de Carmen Duarte, Segis Meana y Carmen Campo, que sumen cada añu al corpus de testos cómicos asturianos un nuevu llibretu.
El calendariu d'actividades queda de la siguiente forma:
- Miércoles 19, ¡Silencio, se roba!, de José Ramón Oliva, por Teatro Kumen
- Xueves 20, Coses de la mi muyer, de Belarmino Arroyo, por El Hórreo de Barcia.
- Vienres 21, El viudu alegre, de Carmen Duarte, pol Grupu Traslluz (Estrenu)
- Sábadu 22, Los carromateros, d'Eladio Verde, pola Compañía Asturiana de Comedias (Estrenu)
- Domingo 23, Un negociu de cuidáu, de José Ramón Oliva, pol Grupu de Teatru Rosario Trabanco (Estrenu)
- Lunes 24, Los tres cariñinos, de Fernando Sánchez Rodríguez, pol Grupu de Teatru Ensin Reparu (Estrenu)
- Martes 25, Pa qué queremos homes, de José Ramón Oliva, pol Grupu de Teatru Refaxu
- Miércoles 26, Graduóme la muyer, de Segis Meana, pol grupu Chanclos Asgaya (Estrenu)
- Xueves 27, El molín encarnáu, de Carmen Campo Mier, pol Grupu Santa Bárbara (Estrenu)
- Vienres 28, El candidatu, de José Ramón Oliva, por Teatru Carbayín (Fuera de concursu)
- Sábadu 29, Marposina, d'Eladio Verde, pol Grupo Xana (Estrenu)
- Domingu 30, ¡Tocónos, muyer, tocónos!, de Rafael Mendizábal, pol Grupu de Teatru Padre Coll
El viernes 4 de septiembre tendrá lugar la entrega de premios Aurora
Sánchez, en una gala presentada e ideada por el director del Teatro
Prendes, Alain Fernández.
Buena oportunidá pa tomar el pulsu de la creyación dramatica n'asturianu y del so desendolque por parte de los grupos amateurs del país.
