Axenda teatral (del 30 de xineru al 5 de febreru)

Vienres, 30 de xineru

• Castrillón, Valey Centru Cultural de Piedrasblancas, 20:00, La tierra de Alvargonzález, Producciones Quiquilimón, Rafa Lorenzo #Estrenu
• Avilés, Teatru Palacio Valdés, 20:15, Buena gente, Teatro Rialto #Estrenu
• Xixón, Espacio Escénico El Huerto, 20:30, Vagos y maleantes, Sudhum Teatro

Sábadu, 31 de xineru

• Siero, Casa Cultura de Llugones, 17:00 y 19:00, Peter Pan, el musical, Teatro Circo de los Niños #TeatruInfantil
• L.lena, Teatru Vital Aza, 18:30, La varita mágica. El musical, Arena teatro #TeatruInfantil
• Llanera, Espaciu Escénicu de la Plaza L'Habana de Posada, 20:00, Hay una guerra en mi habitación, La Vereda Teatro #TeatruInfantil
• Uviéu, Teatru Campoamor, 20 hores, Samson et Dalila, Ópera Oviedo #Ópera
  
• Llangréu, Teatro Nuevo de La Felguera, 20:15, ¿Quién ye'l postreru?, Chanclos Asgaya #TNAst
  
• Xixón, Teatru Jovellanos, 20:30, Carne de gallina, Teatro del Cuervo, La Estampa Teatro, Arteatro
• Xixón, Espacio Escénico El Huerto, 20:30, Vagos y maleantes, Sudhum Teatro
• Xixón, La Revoltosa, libros y café, 21:00, Tristes guerras, Paco Abril
• Avilés, Café Lord Byron, 21:00, Microteatro: Atraco a la 1 y Un accidente cualquiera, TallerActor de Konchi Rodríguez

Domingu, 1 de febreru       

• Xixón, Teatru de La Laboral, 12:30, La varita mágica. El musical, Arena teatro #TeatruInfantil
• A Veiga, Casa de Cultura, 18:00, El rey se muere, La Peseta Teatro
• Xixón, Espacio Aqua, 18:00, Sapos y ranas, David Acera #TeatruInfantil
• Xixón, Teatru Jovellanos, 20:30, Carne de gallina, Teatro del Cuervo, La Estampa Teatro, Arteatro

Llunes, 2 de febreru

Martes, 3 de febreru

• Uviéu, Teatru Campoamor, 20 hores, Samson et Dalila, Ópera Oviedo #Ópera

Miércoles, 4 de febreru

Xueves, 5 de febreru

Circuítu Profesional d'Artes Escéniques del Principau d'Asturies
FETEAS
EscenAvilés

Ópera Oviedo 

Espacio Escénico El Huerto

EscenAvilés

Espacio Aqua

Lleer más...

La Laguna Negra

Sangre abonda de Caín

tien la xente llabriego

y nel llar campesín

entamó la envidia griesca.

Estrénase esti vienres 30 de xineru, a partir de les 20 hores, nel Valey Centru de Cultura de Piedrasblancas, una nueva producción de Quiquilimón (la segunda en poques feches, dempués de Madrid 20/80. Loco amor de cabaret), xunto al músicu Rafa Lorenzo. Trátase de la adautación a los llinguaxes dramáticu y musical del romance La tierra d'Alvargonzález, orixinal d'Antonio Machado.

Esti romance, incluyíu na edición primera de Campos de Castilla, cuenta, con una fuercia desgarradora, cuenta la historia de tres hermanos. Dos d'ellos maten al padre, Alvargonzález, pa faese cola herencia: el mayor, la casería; el medianu, la güerta; y pa escurecer el crimen, tíren el cuerpu a la Laguna Negra, escenariu esporpollante de mitos y lleendes na provincia de Soria. Pero les tierres dexen de ser fértiles y, llegáu l'hermanu benxamín de les Indies, venderán-yles pa desfaese d'elles, momentu cuando les posesiones volverán a dar frutu. La vergoña alloriará, inda más, a los hermanos, qu'acaben dándose una brutal muerte.

Yo siempre imaxinara esti romance interpretáu al más puru estilu cantar de ciegu (y déxase; ensin dir más llonxe, el propiu Machado lo sotituló nel so manuscritu orixinal como "Romance de ciego"). Pero paez ser que Quiquilimón apurre una vuelta nueva, cola interpretación de Rosa Garnacho y de Xuacu Carballido, que van dar vida nel escenariu a los cancios interpretaos por Rafa Lorenzo. Pablo S. Garnacho, el direutor, ruempe asina cola tradición escénica y adiéntrase'l clásicu nel teatru contemporaniu. Teatru y, a la empar, musical, qu'espera llegar a los públicos de cualisquier edá.

La Laguna Negra puesta nes tables. Veamos qué tal la propuesta.

FICHA TÉCNICA Y ARTÍSTICA:
Músicu y Cantante: Rafa Lorenzo
Actor: Xuacu Carballido
Actriz: Rosa Garnacho
Autor: Antonio Machado
Direutor y Dramaturgu: Pablo S. Garnacho
Espaciu Escénicu, Vestuariu y Atrezu: Marta Leiva, Paloma Molino y Chus Casado
Audiovisuales: Mayo Pimentel
Realización vestuariuo: Azucena Rico
Composición y Música en direutu: Rafa Lorenzo
Diseñu Gráficu: Juan Hernaz
Diseñuo d'Illuminación: Ángel Iris y Ligth Expo
Xestión y Producción: P. Quiquilimón y Tablo Vivant
Distribución: Rafa Lorenzo y Rosa Garnacho
Una producción de Producciones Quiquilimón, Rafa Lorenzo , en colaboración con Tabló Vivant

Lleer más...

Escolinos

L'añu pasáu concediéron-y dellos premios nel II Certame de Teatru Escolar n'Asturianu y n'Eo-Naviego pola XXXV Selmana de les Lletres Asturianes al Colexu Públicu de Felechosa pol llabor teatral d'escolinos y profesoráu. La obra El misteriu nel Reina Sofía llevara'l Primer Premiu na Categoría d'Educación Primaria, el Premiu al Meyor Testu Orixinal, el Premiu a la Meyor Direición y el Premiu a la Meyor Actriz (pa Nerea, "la reportera").

Déxovos equí una entrevista bien interesante qu'Alderiques d'Asturies (la única televisión 100% n'asturianu y qu'hai que sofitar asgaya pola so llabor) a la mayestra Laura Prieto, qu'entamó'l proyeutu y que soscribo palabra por palabra tolo que fala sobre les bondaes del teatru neses edaes y pal espardimientu de la llingua, y al equipu actoral d'escolinos.

Y, por supuesto, la obra.

Norabona pa ellos y pa nós.

Lleer más...

Axenda teatral (del 23 al 29 de xineru)

Vienres, 23 de xineru

• Gozón, Casa Cultura de Lluanco, 18 hores,  Al abrigo de los cuentos, Olga Cuervo #TeatruInfantil
• Muros, Casa Cultura, 19:30 h., Pero mira cómo beben, Pedro Durán y Alberto Rodríguez
• Siero, Auditoriu de La Pola, 20 hores, Madrid 20/80. Loco amor de cabaret, Producciones Quiquilimón y Tabló Vivant
• Avilés, Auditoriu del Centru Niemeyer, 20:30 h., En el estanque dorado, Magüi Mira
• Xixón, Espacio Escénico El Huerto, 20:30 h., Barbazul. Un sabotaje amoroso, Borja Fernández

Sábadu, 24 de xineru 

• Xixón, Teatru de La Laboral Ciudad de la Cultura, 18 hores, Piripirata, Factoría Norte #TeatruInfantil
• Carreño, Casa Cultura de Carrio, p.c., L'apuesta los centollos, Teatru Kumen #TNAst

• Castrillón, Valey Centro Cultural, 20 hores, Zoo, Yllana Producciones
• Xixón, Teatru Jovellanos, 20:30 h., En el estanque dorado, Magüi Mira
• Xixón, Espacio Escénico El Huerto, 20:30 h., Barbazul. Un sabotaje amoroso, Borja Fernández

Domingu, 25 de xineru

• Xixón, Espacio Escénico El Huerto, 18 hores, A mano, El Patio Teatro #TeatruInfantil
• Xixón, Teatru Jovellanos, 19:30 h., En el estanque dorado, Magüi Mira
• Xixón, Espacio Escénico El Huerto, 20:30 h., A mano, El Patio Teatro #TeatruInfantil

Llunes, 26 de xineru

Martes, 27 de xineru

Miércoles, 28 de xineru

• Uviéu, Teatru Campoamor, 20 hores, Samson et Dalila, Ópera Oviedo #Ópera #Estrenu
  

Xueves, 29 de xineru

Circuítu Profesional d'Artes Escéniques del Principau d'Asturies
FETEAS
EscenAvilés

Ópera Oviedo Espacio Escénico El Huerto

Lleer más...

Madrid 20/80. Loco amor de cabaret

Esti xueves 22 de xineru, estrénase nel Teatru Palacio Valdés d'Avilés la producción de Quiquilimón y Tabló Vivant Madrid 20/80. Loco amor de cabaret, función que se repetirá'l vienres 23 nel Auditoriu de La Pola.

Va unos meses falé de la propuesta cuando se presentó un proyeutu de mecenazgu pa sacar p'alantre la producción. Pesie a que nun fueron quien p'algamar la cantidá presupuestada, el puxu de dambes productores y les ganes de faer dalgo novedoso con un xéneru, el teatru musical, tán clásicu yá, acabaron por dar buen fin a la idega.

Madrid 20/80  preséntase como "un espeutáculu musical que s'adientra nel mundiu de los cafés-cantantes, de los cafés con música en direutu. Dende una particular visión y con música de cuplé, afonda nuna España que s'alcuentra  averada a la modernidá. Un viaxe al traviés la Historia y de la historia individual, que nos avera a un mundu non tan ayenu: l'individuu como ser particular".

Jesús Gago, nel papel de "Vicky", y Olga María Ramos, ficción y realidá, van convidanos a un mano a mano alrodiu'l tiempu que trescurre (la década los 20, la de los 50, la de los 80...) y nos marca, la esperanza y la desesperanza de la vida sobre les tables, el trabayu, l'arte, y la vida. 

L'autoría y la direición queda a cargu de Pablo Garnacho, que fue quien pa idegar dos propuestes escenográfiques: una pa teatro y otra, quiciás la más afayaíza, por apropiada y íntima, pa cafés-teatros.

Ye una buena oportunidá pa faer un repasu de la tradición teatral española, pa esfrutar d'un momentu de suaños y cancios con más historia de la que cuenten, pa sofitar un proyeutu cultural de producción asturiana y con espeutatives estatales y, nel mio casu, p'acompañar a una amiga, como ye Olga María.

Ficha Artística y Técnica

Repartu: Olga María Ramos // Jesús Gago

Músicu acompañante: Ana Rodrigo

Autoría y Direición: Pablo S. Garnacho

Coreografía: Mar López

Rexiduría: Oscar Óliver

Espaciu Escénicu: José Luis Raymond

Ayte. Escenografia: Marta Leiva

Audiovisuales: Mayo Pimentel

Diseñu Gráficu: Helena de la Cruz

Asistencia Dramaturxa: Óscar Guedas

Vidiu y Foto: Mayo Pimentel

Produición Executiva: Rosa Garnacho y Naara Gil

Produición y Distribución: Rosa Garnacho y Pablo S. Garnacho

Una producción de: Producciones Quiquilimón y Tabló Vivant

Lleer más...

Axenda teatral (del 16 al 22 de xineru)

Vienres, 16 de xineru

• Avilés, Teatru Palacio Valdés, 20:15 h., Invernadero, Mario Gas
• Xixón, Espacio Escénico El Huerto, 20:30 h., Carretera y manta, Producciones Viridiana
  

Sábadu, 17 de xineru

• Xixón, Espacio Escénico El Huerto, 18 hores, Teatro arbolé, Teatro Arbolé #TeatruInfantil
• Carreño, Llar de l'Asociación de Vecinos de Prevera, 19 hores, ¿Quién ye'l postreru?, Chanclos Asgaya #TNAst
  
• Samartín del Rei Aurelio, Teatru Municipal de L'Entregu, 20 hores, Los gemelos, La Cascaya
• Llangréu, Teatro Nuevo de La Felguera, 20:15 h.,  La Allerana, Compañía Asturiana de Comedias #TNAst

Domingu, 18 de xineru

• Xixón, Espacio Escénico El Huerto, 12:30 hores, Teatro arbolé, Teatro Arbolé #TeatruInfantil
• Xixón, Teatru de La Laboral Ciudad de la Cultura, 12:30 h., El viaje de Covaletti, Higiénico Papel Teatro #TeatruInfantil
• Xixón, Espacio Escénico El Huerto, 18 hores, Teatro arbolé, Teatro Arbolé #TeatruInfantil

Llunes, 19 de xineru

Martes, 20 de xineru

Miércoles, 21 de xineru

Xueves, 22 de xineru 

• Avilés, Teatru Palacio Valdés, 20:15 h., Madrid 20/80. Loco amor de cabaret, Producciones Quiquilimón y Tabló Vivant #Estrenu

Circuítu Profesional d'Artes Escéniques del Principau d'Asturies
FETEAS
EscenAvilés
Espacio Escénico El Huerto

Lleer más...

Axenda teatral (del 9 al 15 de xineru)

Vienres, 9 de xineru

• Xixón, Teatru Jovellanos, 20:30 h., El lago de los cisnes, Ballet de Moscú #Danza

Sábadu, 10 de xineru

• Colunga, Sala Loreto, 19:30 h., Un dios salvaje, Teatro Contraste 
• Llangréu, Teatro Nuevo de La Felguera, 20:15 h., De Ranón a Varadero, Carmen López Teatro
• Uviéu, Auditoriu Príncipe Felipe, 20:30 h., #vuelvenNOvuelven, Dani Martínez y Flo Fernández
  

Domingu, 11 de xineru

• Siero, Campu la Ilesia de Valdesoto, 12:30 h., El país de la comedia, Escolinos de Faes #Sidros #TNAst
• Siero, Campu la Ilesia de Valdesoto, 12:30 h., El cencerru y Hacienda ponmos de vuelta y comedia, Sidros y Comedies #Sidros #TNAst
  

Llunes, 12 de xineru

Martes, 13 de xineru

Miércoles, 14 de xineru

Xueves, 15 de xineru 

Muestra de Teatru Amateur del Principáu d'Asturies (FETEAS)

Lleer más...

La promesa

Les promeses d'amor embaxo un carbayu na nueche de San Xuan son inmortales. Por más que'l namoráu marchare, por más que la namorada s'escaeciere, por más qu'un pretendiente nuevu y poderosu ronde. 

La promesa ye una zarzuela del musicólogu asturianu Eduardo Martínez Torner que s'estrenara en Madrid pel añu 1928 y que namái se punxera otra vuelta en Xixón. Yera un espeutáculu perdíu d'aquel intentu de creyación "teatru nacional/rexonal" qu'esporpolló n'Asturies a entamos del sieglu XX, que diera como resultáu una bayura de testos a la gueta los raigaños del país, que desendolcó nel costumismu, y de  trabayos de reinterpretación de xéneros en clave asturiana.

Esta tarde, a les 20:30, nel Teatru Jovellanos de Xixón, Producciones Nun Tris vuelven a echala, nuna revisión d'Antón Caamaño y Inma Rodríguez que-yos valió p'algamar el Premiu "Pachín de Melás" 2014. Camúdase l'espaciu temporal de l'aición, moviéndola p'hacia la posguerra, y camuden tamién les motivaciones viatles de los personaxes, pa faeles más polítiques, pero la trama ye la mesma: l'amor imposible qu'apaez otra vuelta nun momentu que ye tovía más imposible. Y los personaxes: dos namoraos y un terceru que vien de fuera; dos cómicos que viven les mesmes esperiencies a la so mena; y dellos carauterísticos, p'averamos al arquetipu. Y la llingua: por supuesto, l'asturiana. Y estes tres pates faen d'esta zarzuela un claru exemplu del costumismu asturianu. Asina que va furrular nes tables, emocionándonos y faciendo que queramos más.

A parte la revisión del testu, Caamaño dirixe escénicamente la obra y Rodríguez, ta como ayudante de direición y representante de la xira. Pero, amás, cuenta Nun Tris na producción con importantes collaboraciones como la del Orfeón Gijonés, que fadrá'l coru y dalgunos personaxes de repartu, embaxo la direición de Carlos José Martínez; la de Pablo Quiroga, que s'encargó de la realización vidiográfica (porque nos enteactos, van vese vídios d'anéudotes y apreciaciones del elencu); y la direición musical, del maestru Manuel Burgueras.

Ficha téunica

Cantantes: 
Nela: Vanesa R. Touza (Soprano)
Miguelón: Manuel Valiente (Barítono)
Vítor: Gaspar Braña (Tenor)
Álvaro: Carlos Rodríguez (Tenor)
Celuca: Margarita Sierra (Soprano cómica)
Silvino: Pablo L. Romero (Tenor cómico) 

Actores / Actrices:
La Melguera: Inma Rodríguez
Antona: Ana Morán
Tolina: Fernando Marrot

Coru y otros personaxes: Orfeón Gijonés

Illuminación: Andrés P. Dwyer
Realización escenografía: Gran Moming
Vestuariu: Azucena Bedia / Producciones Nun Tris
Diseñu Gráficu: Gloria Caamaño / MGLAB
Realización Videográfica: Pablo Quiroga.
Direición Coru: Carlos José Martínez 
Produición: Pablo Romero / Producciones Nun Tris 
Direición musical: Manuel Burgueras
Direición escénica y regiduría: Antón Caamaño 
Ayte. Direición: Inma Rodríguez
Representante en xira: Inma Rodríguez García
Versión del testu: Inma Rodríguez y Antón Caamaño
Produición, xestión y distribución: Producciones Nun Tris, S.L.

Lleer más...

Axenda teatral (del 2 al 8 de xineru)

Vienres, 2 de xineru

• Xixón, Espacio Aqua, 18 hores, Cuento de Navidad, Saltantes Teatro #TeatruInfantil
• Xixón, Colexu Jovellanos, 19 hores, Árbol, Higiénico Papel Teatro #TNAst #TeatruInfantil
  

Sábadu, 3 de xineru

• Colunga, Sala Loreto, 17 hores, Cuatro hojas y la máquina fantabulosa, Producciones Quiquilimón #TeatruInfantil
• Xixón, Espacio Aqua, 18 hores, Cuento de Navidad, Saltantes Teatro #TeatruInfantil
• Xixón, Teatru Jovellanos, 20:30 h., IV Gala Internacional de Magia, Teatro Jovellanos #Maxa
• Uviéu, Teatru Campoamor, 21 hores, Oviedo vive la magia, SOF #Maxa

Domingu, 4 de xineru

• Xixón, Teatru Jovellanos, 17:30 h., IV Gala Internacional de Magia, Teatro Jovellanos #Maxa
• Xixón, Espacio Aqua, 18 hores, Cuento de Navidad, Saltantes Teatro #TeatruInfantil
• Uviéu, Teatru Campoamor, 21 hores, Oviedo vive la magia, SOF #Maxa
• Xixón, Teatru Jovellanos, 20:30 h., IV Gala Internacional de Magia, Teatro Jovellanos #Maxa

Llunes, 5 de xineru

Martes, 6 de xineru

Miércoles, 7 de xineru

Xueves, 8 de xineru

• Xixón, Teatru Jovellanos, 20:30 h., La promesa, Producciones Nun Tris #TNAst
  

Circuitu de les Artes Escéniques del Principáu d'Asturies

Muestra de Teatru Amateur del Principáu d'Asturies (FETEAS)

Espacio Aqua
Escenines pa la Reciella
Sala de microTeatro TallerActor

Espacio Escénico El Huerto

Lleer más...