Esti sábadu, día 27 de xunu, va cellebráse'l Segundu Certamen de Microteatru nel Hórru, en el Ecomuséu Ca l'Asturcón d'Argüeru, Villaviciosa. Esti certamen cuenta cola particularidá de que les obres, amás de tar ambientaes dientru d'un hórru asturianu, van ser puestes n'escena dientro d'ún, polo que los requisitos y les llimitaciones son bien esplícites, quedando'l talentu de creadores y autores bien espuestos al públicu.
L'añu pasáu, la obra más votada fue Patatones, de la xixoniega Mercedes Verástegui, un testu mui cómicu magníficamente interpretáu poles integrantes del Teatro de Colombina, que dieron vida a tres montones de patates, caún coles sos entendederes y capacidaes.
Esti añu, dempués de recibíos quince testos, el xuráu esbilló estes cuatro obres como les merecedores a ser representaes na final..
- No hace falta que lo digas, de Euloxio
Fernández de Lugo, residente en Madrid, llicenciáu n'Arte Drramáticu pola RESAD, na especialidá de
dramaturxa y direición y diplomáu en cine y interpretación.
- El hórreo, de Justo González Burcio de
Madrid, anque medrara ente Leganés y el pueblu cacereñu de Serrejón, al llau los güelos. Trabaya d'educador social con adolescentes.
- Las dimensiones del horru, de Lena Álvarez
de Nava, única asturiana en concursu.
- El Bastión, de Gianni Cignetti de Buenos
Aires, sestu ganador del Concurso Provincial de
Murales Literarios en 2014 organizáu pol Ministerio de Economía de
la Provincia de Buenos Aires, y la Asociación Civil El Puente Arte y
Cultura.
Les tres sesiones pala representación de les obres nel horru del Ecomuséu van ser a las 17.00, 18.00 y 19.00. Entrada: 6 euros. Y places, como ye nidio, mui llimitaes.
