14/3/16

#Cites Teatrales 15.- Ana Diosdado

https://es.wikipedia.org/wiki/Ana_Diosdado
Lleer más...

El xuegu de Yalta, por Telón de Fondo

 

El xuegu de Yalta (The Yalta Game) ye una adaptación d'un de los cuentos llargos, más guapos d´Antón Chéjov, La dama del perrín. Nel cuéntase l'alcuentru amorosu de dos persones, Dmitry Gurov y Ana Sergueyevna, aunque casaes, atópense soles en Yalta. A primeros del sieglu XX, Yalta que ye una ciudá de la península de Crimea, con un clima cálidu y a orielles del Mar Negru, ye frecuntada por munchos veraneantes, fundamentalmente rusos, que fuxen del clima continental estremu de Moscú. Nesi escenariu Ana, una muyer mui xoven, y Gurov un veteranu de les conquistes veraniegues, vivirán un breve hestoria d'amor, que los dexará marcaos pal restu de les sos vides.


L'autor, Brian Friel, fai una fiel adaptación del cuentu de Chéjov, pero incorpora la confesión directa al públicu de les vivencies por separao de caún de los personaxes, xugando ente la ficción y la realidá, ente lo imaxinao y lo verdadero. Teatru con pocos elementos escénicos que xuega a favorecer el desarrollu imaxinativu del espectador.

Y too ello va ser puesto n'escena por Telón de Fondo. Esti grupu teatral, con más de cuarenta años sobre les tables, tá llideráu por ún de los referentes del teatru asturianu contemporaniu, Lluis Antón González, que robla esta versión n'asturianu y encarna'l personaxe protagonista masculín, Gurov. Al otru llau de la escena, la moza Ana, interpretada por Sara García Rodríguez, que lleva amás la direición escénica de la obra. 

Telón de Fondo, tira otra vuelta del maestru rusu, dempués de la puesta n'escena de El tíu Antonín, adautación fecha por Lluis Antón González nel 2013 del cuentu El tíu Vania.

Toos estos ingredientes van poder tastiase nel Teatru Jovellanos de Xixón esti domingu 20 de marzu, a les 20:30, momentu cuando se va estrenar la pieza de Friel. 

Teatru universal fechu n'Asturies, n'asturianu. A esfrutalo.

Lluis Antón González, como Gurov, y Sara García Rodríguez, como Ana.

Ficha artística

Títulu orixinal: The Yalta game
Autor: Brian Friel
Versión n'asturianu: Lluis Antón González

Reparto: 
Ana Sergueyevna: Sara García Rodríguez
Dmitry Gurov: Lluis Antón González

Dirección: Sara García Rodríguez
Iluminación: Alberto Ortiz
Producción: Xulio Vigil
Vestuario: Telón de fondo
Lleer más...