El domingu, día 22 de febreru, estrénase la XXIV edición de la Feria Europea de Artes Escénicas para Niños y Niñas (FETEN) de Xixón col espeutáculu Tres monjes de la China National Theatre for Children, a les 18 hores nel Teatru Jovellanos.
Por embargu, esta edición ábrese yá'l sábadu 21 (y llegará hasta'l vienres siguientes, día 27 de febreru), llevando montaxes de clown, de marionetes y títiteres, d'ópera y danza, adautaciones de clásicos y cuentos tradicionales y teatru d'actores y oxetos, toos orientaos a la reciella, per tolos requexos de la ciudá: del Centru Cultural Antiguu Institutu, (onde s'entamen cinco espacios escénicos: Sala 1, Sala 2A, Sala 2B, Patiu y Taller de Teatru), hasta'l Teatru Jovellanos (abriendo ellí, amás de la escena, la sala d'ensayos), pasando por dellos Centros Municipales (El Llano, El Coto, L'Arena, Pumarín-Gijón Sur y l'Atenéu de La Calzada) y ocupando'l Paséu de Begoña.
En total, van ser 72 compañíes de tol mundu, seleicionaes d'ente 580 propuestes presentaes, quienes presenten el so trabayu (más de 150 espeutáculos) al públicu infantil xixonés y asturianu y, sobre too, a los programadores y distribuidores, nún de lo escaparates más granibles d'Europa pa esti tipu d'espresión artística.
Por embargu, esta edición ábrese yá'l sábadu 21 (y llegará hasta'l vienres siguientes, día 27 de febreru), llevando montaxes de clown, de marionetes y títiteres, d'ópera y danza, adautaciones de clásicos y cuentos tradicionales y teatru d'actores y oxetos, toos orientaos a la reciella, per tolos requexos de la ciudá: del Centru Cultural Antiguu Institutu, (onde s'entamen cinco espacios escénicos: Sala 1, Sala 2A, Sala 2B, Patiu y Taller de Teatru), hasta'l Teatru Jovellanos (abriendo ellí, amás de la escena, la sala d'ensayos), pasando por dellos Centros Municipales (El Llano, El Coto, L'Arena, Pumarín-Gijón Sur y l'Atenéu de La Calzada) y ocupando'l Paséu de Begoña.
En total, van ser 72 compañíes de tol mundu, seleicionaes d'ente 580 propuestes presentaes, quienes presenten el so trabayu (más de 150 espeutáculos) al públicu infantil xixonés y asturianu y, sobre too, a los programadores y distribuidores, nún de lo escaparates más granibles d'Europa pa esti tipu d'espresión artística.
D'ente estos trabayos van escoyese los gallardones qu'apurre la Feria: meyor espeutáculu, meyor dirección, meyores interpretaciones femenina y masculina, meyor testu, meyor escenografía, meyor vestuariu y meyor carauterización. Anque estos premios quédense curtios, porque nun recueyen nin de lluenxe los méritos de les diferentes estayes artístiques que s'engloben en FETEN, tá claro que'l meyor premiu pa los participantes ye un contratu en firme. Y equí puen consiguir más d'ún.
Equí, la programación de FETEN 2015.
Producciones asturianes
Asturies alcontraráse representada por nueve propuestes producides na tierra: Llumeru, de Factoría Norte; Abracadabra, del Mago Nacho; El árbol de las estaciones, de Kamante Teatro; CuatroHojas y la máquina fantabulosa, de Producciones Quiquilimón; Caperucita Roja (Capiellín colloráu), de Bailadera Producciones; Juan Soldado, de Carlos Alba "Cellero"; En un lugar de la galaxia..., de Teatro del Cuervo y Hilo Producciones; Danza para niños kinkis, de Proyecto Piloto; y una instalación de xuegos na plaza'l Parchís, nomada Lila (el juego divino).
A destacar el montaxe En un lugar de la galaxia..., que llevara dos Premios Oh! 2015: al Meyor Espeutáculu Infantil y a la Meyor Escenografía y que va poder esfrutase na Sala 2B del Centru de Cultura Antiguu Institutu el xueves 26 en dos pases: a les 10 y a les 16.
Tamién falar del granible espeutáculu Llumeru, qu'algamó'l Premiu al Meyor Indumentaria y Carauterización nos Premios Oh! 2015. Factoría Norte va faer pasucais pel Paséu Begoña el sábadu, el domingu y miércoles dende les 20:30 hores.
Por último, apuntar dos espeutáculos que se van presentar en casteyán, pero que tienen un paralelu n'asturianu: Juan soldado/Xuan soldáu, de Carlos Alba "Cellero" y Caperucita Roja/Capiellín colloráu, de Bailadera Producciones. La primera, un monólogu sensacional aposentáu nel manexu de títeres de sorprende factura; la segunda, una revisión del clásicu con muñecos animaos con delles téuniques, entemecío con más personaxes d'otros cuentos populares, música y danza.
A toos ellos, munchu puxu y grandes ésitos.
