El crowdfunding ye una forma de mecenazgu coleutivu que se ta popularizando nos últimos años pa financiar proyeutos que nun tienen una suficiente financiación pa que fueren quien a furrular. Ye una cuestación popular, con cantidaes a donar zarraes que reciben recompenses relaicionaes col proyeutu y vinculaes a una organización esterna que, dempués d'aprobar el proyeutu, da-y publicidá ente los sos usuarios y s'encarga de recaudar les ayudes mientres un tiempu establecíu. Solo nel casu que se llegue a un 100% de la financiación dientru d'esi tiempu, se cobren les ayudes y s'apurren les recompenses; sinón, devuélvense y el proyeutu habrá buscar financiación per otru llau.
Pues bien: llegaron hasta'l TEATRERU ASTURIANU dos propuestes de mecenazgu pa proyeutos teatrales estremaos. Ehí van.
Microteatru nel horru en Verkami
La propuesta del Ecomuséu C'a l'Asturcón d'Argüeru, en Villaviciosa, de creyar el Primer Concurso de Microteatro en el Hórreo, onde participasen testos pa ser representaos dientro d'un horru tradicional asturianu, llegó a buen puertu'l día 21 de xunu, cuando se representaron los testos seleicionaos: cuatro de los venticinco presentaos, qu'allegaron de diferentes puntos del Estáu (y hasta dende Cuba).
Pero, siendo un premiu lliterariu, pagaba la pena la edición d'un volumen colos testos ganadores y con una esbilla de los demás presentaos, con fotos del certamen y la presentación de los autores. Y esti ye'l proyeutu que se presenta al crowdfounding al traviés de la páxima Verkami.
Buena oportunidá pa emponderar la calidá de los autores participantes y pa difundir esti eventu que, como se diz na páxima Verkami, "pretende la defensa del teatru mínimu y l'usu d'espacios tradicionales nun acto cultural".
¡Queden 20 díes!
Madrid 20/80 - Loco Amor de Cabaret
Trátase d'un espeutáculu musical que tien por oxetivu averar al públicu al cabaré, al cuplé, al cafe-cantante... Porque sedrá nun café-cantante onde Vicky (la cupletista encargada por Jesús Gago) va percorrer un llargu períodu de la hestoria d'España al traviés de canciones y situaciones que, pesie a tener una apariencia distintaen cada etapa, repítense.
El proyeutu, escritu y dirixíu por Pablo S. Garnacho, y interpretáu por Olga María Ramos, Jesús Gago y la pianista Ana Rodrigo, ta producíu pola histórica empresa teatral asturiana Producciones Quiquilimón y pol coleutivo de creación y investigación nes artes plástiques y escéniques Tabló Vivant.
Yá tien fecha d'estrenu: el 23 de xineru del 2015, nel Teatru Palacio Valdés d'Avilés. Pero, pa que puea continuase nel tiempu, ha contar cola nuestra ayuda al traviés del micromecenazgu. Y la páxina Lanzanos aceutó sofitar el proyeutu.
¡Queden 30 díes!
Buena oportunidá pa emponderar la calidá de los autores participantes y pa difundir esti eventu que, como se diz na páxima Verkami, "pretende la defensa del teatru mínimu y l'usu d'espacios tradicionales nun acto cultural".
¡Queden 20 díes!
Madrid 20/80 - Loco Amor de Cabaret
Trátase d'un espeutáculu musical que tien por oxetivu averar al públicu al cabaré, al cuplé, al cafe-cantante... Porque sedrá nun café-cantante onde Vicky (la cupletista encargada por Jesús Gago) va percorrer un llargu períodu de la hestoria d'España al traviés de canciones y situaciones que, pesie a tener una apariencia distintaen cada etapa, repítense.
El proyeutu, escritu y dirixíu por Pablo S. Garnacho, y interpretáu por Olga María Ramos, Jesús Gago y la pianista Ana Rodrigo, ta producíu pola histórica empresa teatral asturiana Producciones Quiquilimón y pol coleutivo de creación y investigación nes artes plástiques y escéniques Tabló Vivant.
Yá tien fecha d'estrenu: el 23 de xineru del 2015, nel Teatru Palacio Valdés d'Avilés. Pero, pa que puea continuase nel tiempu, ha contar cola nuestra ayuda al traviés del micromecenazgu. Y la páxina Lanzanos aceutó sofitar el proyeutu.
¡Queden 30 díes!
