Axenda teatral (del 24 al 30 d'ochobre)

Vienres, 24 d'ochobre

• Avilés, Centru Cultural Los Canapés, 18 hores, En un lugar de la galaxia, Teatro del Cuervo #TeatruInfantil
• Xixón, CMI Atenéu de La Calzada, 18 hores, Dot, Maiduxa #Danza #TeatruInfantil
• Nava, Casa de la Cultura Marta Portal, 20 hores, Yo maté a Kennedy, pero fue sin querer, Escenapache
• L.lena, Teatru Vital Aza de La Pola, 20 hores, Si tas mala nun vayas al médicu, Teatro Traslluz #TNAst
  

• Siero, Centru Cultural de La Fresneda, 20 hores, El rey se muere, La Peseta Teatro
• Samartín del Rei Aurelio, Teatru Municipal de L'Entregu, 20 hores, ¿Quién ye'l postreru?, Chanclos Asgaya #TNAst
• Avilés, Auditoriu del Centru Niemeyer, 20:30 h., El Mesías, Ballet Nacional Sodre de Uruguay #Danza
• Xixón, Espaciu Escénicu El Huerto, 20:30 h., Sobre la tristeza, Nabeirarrúa Danza #Danza
• Siero, Centru Polivalente de Carbayín Alto, 20:30 h., No le busques tres pies al alcalde, Teatro El Hórreo #TNAst 
  

Sábadu, 25 d'ochobre

• Siero, Centru Sociocultural de Viella, 19 hores, ¿Quién ye'l postreru?, Chanclos Asgaya #TNAst
  

• Llanera, Espaciu Escénicu de la Plaza L'Habana de Posada, 20 hores, Una petición de mano muy singular, Teatro Pausa
• Castrillón, Valey Centru Cultural de Piedrasblancas, 20 hores., XV Aniversario, Ballet de Carmen Roche #Danza
• Llaviana, Casa de Cultura de La Pola, 20 hores, Salióme'l tiru pola culata, Teatro Traslluz #TNAst
  
  
  
• Llangréu, Teatro Nuevo de La Felguera, 20:15, Casanova, memoria de un libertino, Teatru Kumen #Estrenu
• Xixón, Teatru Jovellanos, 20:30 h., El Mesías, Ballet Nacional Sodre de Uruguay #Danza
• Navia, Teatru Casino de Veiga, 20:30 h., A la caza de la extranjera, San Tirso de Abres
• Xixón, Sala de microTeatro, 21 horas, Atraco a la 1 y Promesas deshidratadas, tallerActor #Microteatru

Domingu, 26 d'ochobre

• Xixón, Espaciu Escénicu El Huerto, 18 hores, Reflejos, Larumbe Danza #Danza
• Siero, Auditoriu de La Pola, 19 hores, Aída, Teatrul Naţional de Operă şi Balet din Republica Moldova #Ópera
• Xixón, Teatru Jovellanos, 20:30, Tempestad, Barco Pirata 

Llunes, 27 d'ochobre

• Xixón, Espaciu Escénicu El Huerto, 12 hores, Reflejos, Larumbe Danza #Danza

Martes, 28 d'ochobre

• Xixón, Muséu del Ferrocarril, 18:30 h., CouShow de la XaTa la rifa, Mónica Cofiño #Danza

Miércoles, 29 d'ochobre

Xueves, 30 d'ochobre

• Xixón, CMI d'El Llano, 12 hores, Danza para niños kinkis, Proyecto Piloto #Danza #TeatruInfantil
• Xixón, CMI d'El Llano, 18 hores, Danza para niños kinkis, Proyecto Piloto #Danza #TeatruInfantil
• Xixón, CMI Pumarín-Gijón Sur, 19:30 h., Danza al desnudo, Zig zag Danza #Danza

Circuitu de les Artes Escéniques del Principáu d'Asturies
Muestra de Teatru Amateur del Principáu d'Asturies (FETEAS)
I Muestra de Teatru Cómicu Asturianu de Samartín del Rei Aurelio
XIII Selmana de Teatru n'Asturianu de Carbayín
II Certamen de Teatro "David Miguel" de Veiga 
XXVI Seronda de Teatru de Mieres 
Danza Xixón 2014
Off Niemeyer
Ópera Oviedo 

Lleer más...

Axenda teatral (del 17 al 23 d'ochobre)

Vienres, 17 d'ochobre

• Avilés, Centru Cultural Los Canapés, 18 hores, Karius & Baktus, Ververemos #TeatruInfantil
• Xixón, Espacio Aqua, 19 hores,  El tiempo perdido, Teatro Plus #TeatruInfantil
• Cangues, Casa de Cultura, 19:30 h., Tres teatros o cuatro, Tras la Puerta Títeres #TeatruInfantil
• Siero, Casa de Cultura de Llugones, 19:30 h., Un dios salvaje, Teatro Contraste
• Siero, Casa de Cultura de La Fresneda, 20 hores, Garráime que lu mato o la loca historia de Asturias, Escenapache
• Samartín del Rei Aurelio, Teatru Municipal de L'Entregu, 20 hores,  Aquellos maravillosos años, de Rosario Trabanco #TNAst

• L.lena, Teatru Vital Aza, 20 hores, No le busques tres pies al alcalde, Teatru El Hórreo #TNAst

• Mieres, Auditoriu Teadoro Cuesta, 20 hores, Que vienen los otros, Teatru Traslluz #TNAst

• Sotu'l Barcu, Teatru Clarín, 20:15 h., El alma de la melodía, El alma de la melodía
• Xixón, Espacio Escénico El Huerto, 20:30 h., Sobre la tristeza, Nabeirarrua Danza #Danza
• Siero, Centru Polivalente de Carbayín, 20:30 h., Esto era unha vez, Cioyo de Castropol #TNEo

• Xixón, Centru de Cultura Antiguu Institutu, 22:30 h., La gloria de mi mare, La Choni #Danza

Sábadu, 18 d'ochobre

• Xixón, Paséu de Begoña, 18:30 h., Por casualidad, Marco Vargas & Chloé Bûrlé #Danza
• Xixón, Espacio Aqua, 19 hores,  El tiempo perdido, Teatro Plus #TeatruInfantil
• Uviéu, Teatru Filarmónica, 20 hores, Semillas de cardamomo, El callejón del gato #TeatruInfantil
• Uviéu, Teatru Campoamor, 20 hores, Cuatro últimes cuestiones y El castillo de Barbazul, Ópera de Oviedo #Ópera
• Avilés, Teatru Palacio Valdés, 20:15 h., Mariana Pineda, Teatro del Norte
• Xixón, Teatru Jovellanos, 20:30 h., Welcome to the anthropocence, Voprtice Dance Company #Danza 
• Navia, Teatru Casino de Veiga, 20:30 h., Tres Sainetes, Compañía Asturiana de Comedias, de Xixón. #TNAst

• Xixón, Sala de microTeatro, dende les 21 hores, Un accidente cualquiera, TallerActor #Microteatru
• Xixón, Centru de Cultura Antiguu Institutu, 22:30 h., Devenire, Circle of Trust & Logela #Danza

Domingu, 19 d'ochobre

• Xixón, Teatru de La Llaboral, 12:30 h., El Principito, Tercio Sentido Producciones #TeatruInfantil
• Xixón, Paséu de Begoña, 17:30 h., Estrellados (Versión calle), Fernando Hurtado #Danza 
  
• Xixón, Espacio Escénico El Huerto, 18 hores, Nubes de cuento, Tras la Puerta Títeres #TeatruInfantil
• Xixón, Teatru Jovellanos, 18:30 h., Wangari. La niña árbol, Karlik Danza #Danza #TearuInfantil
• Xixón, Espacio Aqua, 19 hores,  El tiempo perdido, Teatro Plus #TeatruInfantil
• Xixón, Centru de Cultura Antiguu Institutu, 20:30 h., Colección Privada, Marco Vargas & Chloé Brûlé La Choni #Danza

Llunes, 20 d'ochobre

• Xixón, CMI d'El Coto, 18 hores, Estrellados (Versión calle), Fernando Hurtado #Danza  
• Siero, Casa de Cultura de Llugones, 18 hores, Catalina y Lorenzo, El gato Turulato Cuentacuentos #TeatruInfantil
• Xixón, Centru de Cultura Antiguu Institutu, 20:30 h., Estrellados, Fernando Hurtado #Danza

Martes, 21 d'ochobre

• Xixón, Centru de Cultura Antiguu Institutu, 20:30 h., Cesc Gelabert V.O.+, Gelabert Azzopardi companyia  de dansa #Danza

Miércoles, 22 d'ochobre

• Xixón, CMI d'El Llano, 12 hores, Dot, Maiduxa #Danza #Colexos
• Xixón, CMI d'El Llanp, 18 hores, Dot, Maiduxa #Danza #TeatruInfantul
• Cangas, Teatru Toreno, 20 hores, Toc toc, Teatro Maliayo
• Xixón, Centru de Cultura Antiguu Institutu, 20:30 h., Silencio, Daniel Abreu #Danza

Xueves, 23 d'ochobre

• Castrillón, Valey Centru Cultural de Piedrasblancas, 11:30 h., Quiero ser guapa, Teatro Plus #TeatruInfantil
• Xixón, CMI Pumarín-Gijón Sur, 12 hores, Dot, Maiduxa #Danza #Colexos 
• Xixón, CMI Pumarín-Gijón Sur, 18 hores, Dot, Maiduxa #Danza #TeatruInfantil
• Xixón, CMI d'El Llano, 19:30 h., Saliónme'l tiru pola culata, Teatru Traslluz #TNAst
• Uviéu, Teatru Filarmónica, 20 hores, Romeo y Julieta, Con Alevosía Teatro
• Xixón, Centru de Cultura Antiguu Institutu, 22:30 h., Brutal Love poems, Thomas Nonne #Danza

Circuitu de les Artes Escéniques del Principáu d'Asturies
Muestra de Teatru Amateur del Principáu d'Asturies (FETEAS)
I Muestra de Teatru Cómicu Asturianu de Samartín del Rei Aurelio
XIII Selmana de Teatru n'Asturianu de Carbayín
II Certamen de Teatro "David Miguel" de Veiga 
XXVI Seronda de Teatru de Mieres 
Danza Xixón 2014
Off Niemeyer
Ópera Oviedo 

Lleer más...

Axenda teatral (del 10 al 16 d'ochbre)

Vienres, 10 d'ochobre

• Avilés, Centru de Cultura Los Canapés, 18 hores, El peregrino valiente, Producciones Nun Tris
• Siero, Casa de Cultura d'El Berrón, 18 hores, Una de piratas, El Gato Turulato Cuentacuentos #TeatruInfantil
• Xixón, Espacio Aqua del Acuariu de Xixón, 19 hores, Pareja abierta, Saltantes Teatro
• Siero, Auditoriu de La Pola, 19 hores, El alma de la melodía, versión infantil, El alma de la melodía #TeatruInfantil
• Samartín del Rei Aurelio, Teatru Municipal de L'Entregu, 20 hores, Toc toc, Maliayo Teatro
• L.lena, Teatru Vital Aza de La Pola, 20 hores, Tres sainetes, Compañía Asturiana de Comedias #TNAst

• Colunga, Sala Loreto, 20 hores, Llázaro de Tormes, Carlos Alba "Cellero" #TNAst

• Llaviana, Casa de Cultura de La Pola, 20 hores, Les desventures de Xuacu, Teatru La Fumarea #TNast

• Mieres, Auditoriu Teadoro Cuesta, 20 hores, Tu, yo... y el vecín, Teatru Carbayín #TNAst

 

• Siero, Centru Polivalente de Carbayín, 20:30 h., Contente Clemente, Grupu de Teatru Santa Bárbara de Llaranes #TNAst
  
  
  
  
• Cangas, Teatru Toreno, 20:30 h., Adiós, Cordera, La Sonrisa del Lagarto

Sábadu, 11 d'ochobre

• Llaviana, Casa de Cultura de La Pola, 20 hores, Les desventures de Xuacu, Teatru La Fumarea #TNast
• L.lena, Teatru Vital Aza de La Pola, 20 hores, Pequeño Cabaret, Escenapache
• Villaviciosa, Teatru Riera, 20 hores, Una petición de mano muy singular, Teatro Pausa
• Xixón, Sala de microTeatro, 20/20:30/21/21:30/22/22:30, Un accidente cualquiera, TallerActor #Microteatro
• Xixón, Teatru Jovellanos, 20:30 h., Los ojos, Pablo Messiez
• Navia, Teatru Casino de Veiga, 20:30 h., La barca sin pescador, Odisea Teatro
• Avilés, Sala Club del Centru Niemeyer, 20:30 h., La abducción de Luis Guzmán, Pablo Remón
• Xixón, Xardines y Patiu Dóricu de La Llaboral, 20:30 h., Llumeru, Factoría Norte
• Tapia, Casa de Cultura, 21 hores, L'apuesta los centollos, Teatru Kumen #TNAst

Domingu, 12 d'ochobre

• Avilés, Auditoriu del Centru Niemeyer, 18 hores, Cenicienta, el musical, Tempus Producciones #TeatruInfantil
• Siero, Auditoriu de La Pola, 18 hores, Extravaganza Hotel, Paulino Gil #Maxa #TeatruInfantil
• Uviéu, Teatru Campoamor, 19 hores, Cuatro últimes cuestiones y El castillo de Barbazul, Ópera de Oviedo #Ópera
• L.lena, Teatru Vital Aza de La Pola, 20 hores, ¿Aun crees que lo has visto todo?, Mago Murphy #Maxa #TeatruInfantil
• Xixón, Teatru de La Llaboral, 20 hores, En verdad os digo, Goyo Jiménez 
  

Llunes, 13 d'ochobre

• L.lena, Teatru Vital Aza de La Pola, 19 hores, Cenicienta, el musical, Tempus Producciones #TeatruInfantil
• Xixón, Teatru Jovellanos, 20:30 h., Conozca usted el mundo, Azogue Teatro
  

Martes, 14 d'ochobre

• Uviéu, Teatru Campoamor, 20 hores, Cuatro últimes cuestiones y El castillo de Barbazul, Ópera de Oviedo #Ópera
  

Miércoles, 15 d'ochobre

• Nava, Casa de Cultura Marta Portal, 12 hores, Muy sabroso, Teatro Plus #TeatruInfantil
• Uviéu, Santa Teresa Llibrería-Café, 20 hores, Con la muerte en los tacones, Teatro El Riesgo es Nuestro

Xueves, 16 d'ochobre

• Xixón, Atenéu de La Calzada, 19:30 h., La casa de Bernarda Alba, Teatro Casona
• Uviéu, Teatru Campoamor, 20 hores, Cuatro últimes cuestiones y El castillo de Barbazul, Ópera de Oviedo #Ópera
• Uviéu, Teatru Filarmónica, 20 hores, Llázaro de Tormes, Carlos Alba "Cellero" #TNAst
• Avilés, Auditoriu del Centru Niemeyer, 20:30 h., Monty Phyton-Los mejores scketches, L'Om Imprevís y Producciones Yllana
• Ayer, Morea, p.c., La Trama, Teatru Kumen

Circuitu de les Artes Escéniques del Principáu d'Asturies
Muestra de Teatru Amateur del Principáu d'Asturies (FETEAS)
I Muestra de Teatru Cómicu Asturianu de Samartín del Rei Aurelio
XIII Selmana de Teatru n'Asturianu de Carbayín
II Certamen de Teatro "David Miguel" de Veiga 
XXVI Seronda de Teatru de Mieres
Off Niemeyer
Ópera Oviedo 

Lleer más...

XIII Selmana de Teatru n'Asturianu de Carbayín

El sábadu 26 de setiembre escomenzó la XIII Selmana de Teatru n'Asturianu de Carbayín nel Centru Polivalente de Carbayín y ta entamada por Teatru Carbayín, el grupu dirixíu pol dramaturgu y actor José Ramón Oliva, y cuenta col sofitu d'Electra Norte, Asociación El Nozalín y la Fundación Municipal de Cultura de Siero.

Nesta edición, la Selmana de Teatru n'Asturianu de Carbayín, supera'l marcu de "selmana de teatru" col que se nomó nel 2002, porque va durar esta edición ná menos que casi dos meses, hasta'l 21 de payares, intre que va aprovechar pa programar nueve funciones.

Esti ye'l cartel: 

• 26 de setiembre: El cantar de los pipiolos, Grupu Padre Coll de La Felguera #TNAst
• 3 d'ochobre: El cianuro, ¿solo o con leche?, Odisea Teatro d'Uviéu
• 10 d'ochobre: Contente Clemente, Grupu de Teatru Santa Bárbara de Llaranes#TNAst
• 17 d'ochobre: Esto era unha vez, Cioyo de Castropol #TNEo
• 24 d'ochobre: La mala pata del alcalde, Teatro El Hórreo de Barcia #TNAst
• 31 d'ochobre: Cásasenos la neña, Grupu Rosario Trabanco de Xixón #TNAst
• 7 de payares: Tu, yo... y el vecín, Teatru Carbayín #TNAst
• 14 de payares: El candidatu, Teatru Carbayín #TNAst
• 21 de payares: Cuatro historias de alquiler, Grupu de Teatru Trama de Granda

(Toles funciones sedrán a partir de les 20:30 nel Centru Polivalente de Carbayín, cola entrada llibre)

La Selmana nun ye solo de teatru n'asturianu. D'esta miente, Odisea Teatro presenta una obra de Juan José Alonso Millán nel so idioma orixinal y el Grupu Trama, una de los franceses Pierre Barrillet y Jean-Pierre Gredy, tornada al español. Pola so parte, úfrense otres dos tornes: Contente Clemente ye una obra d'Alfonso Paso que se presenta n'asturianu y Esto era unha vez ye la interpretación al eonaviego que'l Grupu Cioyo fai de la obra asturiana nel orixinal de José Ramón Oliva quien, xunto a Pedro Mario Herrero, repite autoría nes representaciones.

En resumíes cuentes, esta Selmana ye una esbilla bultable del teatru amateur que se fai nel nuestru país. ¡Que siga munchos años más!

Lleer más...

Axenda teatral (del 3 al 9 d'ochobre)

Vienres, 3 d'ochobre

• L.lena, Teatru Vital Aza de La Pola, 20 hores, ¿Quién ye'l postreru?, Chanclos Asgaya #TNAst

• Samartín, Teatru Municipal de L'Entregu, 20 hores, Tu, yo... y el vecín, Teatru Carbayín #TNAst

• Gozón, Casa de Cultura de Lluanco, 20 hores, La mala pata del alcalde, El Hórreo de Barcia #TNAst

• Siero, Centru Polivalente de Carbayín, 20:30, El cianuro, ¿solo o con leche?, Odisea Teatro  

Sábadu, 4 d'ochobre

• Xixón, Espacio Aqua del Acuario de Xixón, 19 hores, Pareja abierta, Saltantes Teatro
• Castrillón, Valey Centru de Cultura de Piedrasblancas, 20 hores, El coloquio de los perros, Els Joglars
• Villaviciosa; Teatru Riera, 20 hores, Estoy en este mundo porque tiene que haber de todo, Joaquín Pajarón
• Siero, Valdesoto, 20 hores, Salióme'l tiru pola culata, Grupu Traslluz #TNAst

• Llangréu, Teatru Nuevo de La Felguera, 20:15, Toc toc, Maliayo Teatro 
• Xixón, Teatru de La Llaboral, 20:30, II Noche de Tango. Umbrales, Sandra Rehder #Danza
• Navia, Teatru Casino de Veiga, 20:30, Arizona, La Capacha
• Xixón, Sala de microTeatro, 21 hores, Atraco a la 1 y Plan Z #Estreno TallerActor #Microteatro

Domingu, 5 d'ochobre

• Xixón, Espacio Aqua del Acuario de Xixón, 17/18/19 hores, Contigo como nunca, Teatro a ciegas #Microteatro

Llunes, 6 d'ochobre

• Xixón, CMI d'El Llano, Cantando baxo l'orbayu, Grupu Traslluz #TNAst

Martes, 7 d'ochobre

•  Xixón, CMI d'El Llano, Cantando baxo l'orbayu, Grupu Traslluz #TNAst

Miércoles, 8 d'ochobre

Xueves, 9 d'ochobre 

• Castrillón, Valey Centru de Cultura de Piedrasblancas, 11:30 h., As, os, @as, Yheppa Títeres #TeatruInfantil

Circuitu de les Artes Escéniques del Principáu d'Asturies
Muestra de Teatru Amateur del Principáu d'Asturies (FETEAS)
I Muestra de Teatru Cómicu Asturianu de Samartín del Rei Aurelio
XIII Selmana de Teatru n'Asturianu de Carbayín
II Certamen de Teatro "David Miguel" de Veiga

Lleer más...

II Certamen de Teatru "David Miguel" de Veiga

L'Asociación Cultural "Baluarte" entama'l II Certamen de Teatru "David Miguel" na villa naviega de Veiga. Esti certamen nació l'añu pasáu como homenaxe al compañeru del grupu de teatru de l'asociación, que falleciera va cuatro años, dexando una güelga tremenda na vida cultural de la llocalidá. L'Asociación Baluarte dempués del parón d'un par d'años, quería retomar la so actividá teatral, aquella que más-y prestaba al so compañeru.

L'ésitu de la edición del añu pasáu fue granible, asina qu'esti añu habíen dar un pasa p'alantre. Nesti segundu certamen medren les espeutatives. Primeramente, porque sube'l númberu de representaciones programaes, de 8 a 10. Y, segundo, porque s'amplía'l marcu d'aición, pasando d'una compañía de fuera la redolada a cinco.

El cartel, bien interesante, ye'l siguiente:

• 4 d'ochobre: Arizona, La Capacha de Xixón.
• 11 d'ochobre: La barca sin pescador, Odisea Teatro, d'Uviéu.
• 18 d'ochobre: Tres Sainetes (Desatraca, La Magdalena y San Roque y Los forofos), Compañía Asturiana de Comedias, de Xixón. #TNAst
• 25 d'ochobre: A la caza de la extranjera, San Tirso de Abres, d'Abres.
• 1 de payares: Anfitrión 2.11, Teatru Kumen de La Felguera.
• 8 de payares: Alpeirada nel boliche de Antón, Grupu de Teatru "Juan Manuel" d'A Caridá. #TNEo
• 15 de payares: Historia de hombres y El dineiro bon compañeiro, Pico de Faro d'A Roda. #TNEo
• 29 de payares: Esto era unha vez, Cioyo de Castropol #TNEo
• 6 d'avientu: El candidatu, Teatru Carbayín #TNAst
• 13 d'avientu: Las señoritas de Aviñón, Baluarte de Veiga.

(Toles actuaciones sedrán de sábadu, a partir de les 20:30 hores, y con un preciu de 3 euros)

Como pue vese, a nivel llingüísticu, pue ser ún de los certámenes que más bayura amuese: grupos qu'ufren propuestes en casteyán (La Capacha, Odisea Teatro, San Tirso de Abres, Kumen o Baluarte), amiéstense con compañíes del Centru que se presenten n'asturianu (Compañía Asturiana y Teatru Carbayín) y otres Occidentales que caltienen la so llingua eonaviega (Juan Manuel, Pico Faro y Cioyo, que torna una obra d'Oliva). Ensin dubia, esti certamen, quiciás ensin proponéselo, ye una buena muestra de la realidá llingüística d'Asturies. Pa felicitase por ello.

Por último, destacar l'escenariu de toles representaciones: esi Teatru Casino de Veiga, maravía del modernismu republicanu, que se mantién en pie gracies a la financiación privada y a asociaciones que, como Baluarte o la Sociedad de Amigos de Puerto Vega - El Casino, procuren del bon estáu d'esti edificiu de referencia.

Lleer más...

microTeatro

Los teatreros tamos d'enhorabona pol estrenu d'un nuevu espaciu teatral n'Asturies. Trátase de la Sala de microTeatro, l'últimu poryeutu de tallerActor.

El "microteatru" ye un xéneru que ta consolidáu nel Rstáu, como rempuesta a les desixencies impositives del Gobiernu y del mercáu: en tiempos de crisis, los espacios pequeños y los relatos curtios y direutos son más afayaízos pal productor y avérense más a los espeutadores. Sales pequeñes -como máximo pa dos docenes de persones-, espeutáculos de duración reducía -como muncho 20 minutos-, dellos pases por cada sesión y preciu reducíu y asequible -d'hasta 5 euros- son les claves del ésitu d'esti xéneru. Pero tovía nun esistía dengún espaciu dramáticu n'Asturies dedicáu al microteatru, mientres que nel restu yá son una realidá patente como alternativa pal ociu.

TallerActor va tresformar los fines de selmana el so taller de trabayu, asitiáu na cai Jacobo Olañeta, 7 de Xixón, nuna sala de microteatru, pa siguir col so enfotu de trabayar nesti xéneru teatral, que llevara a los sos integrantes a trabayar nos sitios más distintos (dende un vagón d'un tren a una bolera). Amás, la sala úfrese a toes aquelles persones qu'anden a la gueta d'un sitiu pa poder esponer el so trabayu dramáticu, orientáu al formatu curtiu.

Asina, el sábadu 27 de setiembre, estrenóse la sala con tres obres: Atraco a la 1 con Belen Burgo y Magda Arance; Promesas deshiratadas con Ana Martínez y Elías Ginés Gallego; y Julia vs Juana con Puerta Toñi y Pau Vegas. Un preciu de tres euros, dos pases (a les 21 y a les 22) y quince espeutadores por sesión fueren les claves del ésitu.

Y pa esti fin de selmana, ente otres, preséntase la obra Plan Z.

Dende'l teatreru vamos tar sollertes a les propuestes de la Sala de microTeatro. Un sitiu pequeñu pero granible, de xuru.

Lleer más...

Occidente versus Centru

El vienres 22 d'agostu, a les 23 hores, nel marcu del XXIV Salón de Teatru Costumista de Candás, el grupu de teatru xixonés "Rosario Trabanco" estrenaba la obra Cásasenos la neña, una revisión de la obra del autor tapiegu Manuel García Galano Cásasenos a nena, que fuera asoleyada pol Serviciu de Publicaciones del Principáu d'Asturies en 1993, nel volumen Marexaes tapiegos, onde se recoyíen once obres de teatru de so estrenaes nos ochenta pol grupu de teatru "Ameicer", que tamién dirixía.

El testu del Académicu d'honor de la Llingua Asturiana, escritu na fala tapiega d'A Roda, onde nació, cuenta la historia d'un choque ente formes de ser: el grandonismu xixoniegu escontra la cachaza tapiega. La direición de Lisardo Suárez caltién el tema dramáticu de la obra: un rapaz de Xixón quier casase con una rapaza de Tapia de familia vinía a menos; al conocese les families de dambos prodúzse'l desalcuentru: la pretensión d'aparentar de los xixoneses estréllase escontra la humildá de los tapiegos, que queden ablucaos coles piticiones.

Por embargu, nun se guarda la bayura llingüística, esborrándose la variante occidental que-y daba calter diferencial a la obra orixinal. Quiciabes esti seya la única pega conceutual y, por supuesto, estensible a la mayor parte de los grupos de teatru costumista, que suelen abusar de les variantes centraliegues en detrimentu de les demás, cuando nun se cai nun amestáu absurdu y incongruente. Una llástima d'oportunidá perdía.

Sicasí, la obra furrula a perfeición pol buen faer actoral del elencu: esta vez como consuegros, el matrimoniu real de Nines Suárez (Caitanu) y Maria Elisa Álvarez (Telva) fueron protagonistes de la nueche, pola so categoría, demostrada milenta vegaes como característicos del costumismu clásicu; acompañaos ensin despintar un res por José F. Mayo (Casimiro) y Luz Mari del Sol (Xertrudis), que fue nominada al "Premiu Aurora" de la meyor actriz (Lisardo fue, a la so vez, nomináu como meyor actor); la pareyina moza tuvo encarnada por Sara Suárez (Teresina) y por Christian Argüelles (Rufino); y nel papel de güelu famientu, mui curtiu pal gustu'l respatble, polos momentos de risotaes que ficiera pasar, alcontróse l'actor Chema Puerto, un indispensable yá nel teatru costumista asturianu.

Hubo tiempu esi día pa un emotivu recuerdu pa la pianista, maestra y compañera'l grupu, Cristina Nieto, que morriera nel mes d'abril, y qu'estrenara nel Teatru Jovellanos, tovía l'añu anterior, El último sofocón, xunto a José Mayo.

El principal oxetivu del Grupu de Teatru "Riosario Trabanco", como dicía'l programa del Salón, "ye l'echar un gabitu pa la conservación y difusión de la cultura asturiana al través del teatru costumista. De xuru que lo ta llogrando. Y a base de risotaes.

Lleer más...

Axenda teatral (del 26 de setiembre al 2 d'ochobre)

Vienres, 26 de setiembre

• Cangues, Casa de Cultura, 18:30 h., Nubes de cuento, Tras la puerta Títeres #TeatruInfantil
• Samartín del Rei Aurelio, Teatru Municipal de L'Entregu, 20 hores, Bailando baxo l'orbayu, Teatru Traslluz #TNAst

• Siero, Casino de Lieres, 19:30 h., El candidatu, Teatru Carbayín #TNAst

• Castrillón, Valey Centru Cultural, 20 hores, Anfitrión 2.11, Teatru Kumen
• Siero, Auditoriu de La Pola, 20 hores, Tres Sainetes, Cía. Asturiana de Comedias #TNAst

• Llanes, Salón de La Borbolla, 20 hores, La mala pata del alcalde, Teatro El Hórreo #TNAst

• Siero, Centru Polivalente de Carbayín, 20:30 h., El cantar de los pipiolos, Grupu Padre Coll #TNAst

Sábadu, 27 de setiembre

• Carreño, Teatru Prendes de Candás, 20 hores, Xuan Soldáu, Carlos Alba "Cellero" #TeatruInfantil TNAst

• Llaviana, Casa de Cultura de La Pola, 20 hores, Las troyanas, Teatru Kumen
• Llanera, Plaza de La Habana de Posada, 20 hores, Teatromaquia, Konjuro Teatro
• Xixón, Teatru Jovellanos, 20:30 h., Mujer, Factoría Norte
• Xixón, Teatru de La Llaboral, 20:30 h., El humor que nos prohibe la tele, Tres calaveras huecas 
  

Domingu, 28 de setiembre

• Xixón, CMI d'El Llano, 18 hores., El viaje de Tita, Factoría Norte #TeatruInfantil
• Xixón, Teatru Jovellanos, 19:30 h., Entredos, Compañía Capicúa #TeatruInfantil

Llunes, 29 de setiembre

Martes, 30 de setiembre

Miércoles, 1 d'ochobre

• Cangas, Teatru Toreno, 18 hores, Bebecuentos, Carlos Alba  "Cellero" #TeatruInfantil
  

Xueves, 2 d'ochobre

Circuitu de les Artes Escéniques del Principáu d'Asturies
Muestra de Teatru Amateur del Principáu d'Asturies (FETEAS)
I Muestra de Teatru Cómicu Asturianu de Samartín del Rei Aurelio
XIII Selmana de Teatru n'Asturianu de Carbayín

Lleer más...

Xuan Soldáu, de Cellero

 

El sábadu 27, a les 20 hores, el Teatru Prendes de Candás va ser l'escenariu del estrenu de Xuan Soldáu, l'últimu montaxe de Carlos Alba "Cellero", basáu nel cuentu clásicu La historia d'ún que ficiere un viaxe pa saber lo que yera'l miéu (Märchen von einem, der auszog das Fürchten zu lernen) de los Hermanos Grimm y qu'aporta a la península recopiláu nel volumen Cuentos y poesías populares andaluzas por Fernán Caballero, nomatu de la escritora Cecilia Böhl de Faber, embaxo'l títulu de Xuan ensin miéu (Juan sin miedo).

Con motivu d'esti estrenu, Cellero condedió-y al Teatreru una entrevista, onde falamos de les coraes d'esta obra y de dalguna cosa más.

Teatreru. -Estrenes "Xuan soldáu", una adautación del cuentu clásicu "Xuan ensin mieu". ¿Por qué te dio por esta hestoria? (¿Sacaste la idega de dalguna sesión de "cuentacuentos"? ¿Prestábate de críu? ¿Presta-y al to guah.e?)

Carlos.- La idea de montar Xuan Soldáu empezó ocurríseme depués de ver la película que, col mesmu títulu, fizo Fernando Fernán Gómez nel añu 1974. Depués fui a la fonte d'él, que fue la versión que escribió Fernán Caballero, y tamién a la gueta d´otres recopilaciones. D'estes saqué dalgunos detallucos de la versión que fae Italo Calvino en Cuentos populares italianos.

Teatreru.- Por embargu, saques esti cuentu d'un ambiente infantil, pa faer que seya pa tolos públicos. ¿Cómo adautaste'l testu?

Carlos.- El testu ye bastante fiel al de Fernán Caballero, con delles añadidures pa lo adaptar a la técnica teatral. El facer qu'el cuentu tamién valga p'adultos ye una idea que taba na versión de Fernán Gómez.

Fernando Fernán Gómez, nel telefilme Juan sin miedo

Teatreru.- N'escena tas tu solu, otra vuelta. Paez que ye la seña d'identidá de la to empresa "Acostubaxu Teatru". ¿Ye por causa la crisis, ye porque te presta el monólogu o ye porque tas meyor solu que mal acompañáu?

Carlos.- Como actor yo toi abiertu a cualaquier tipu d'obra, xéneru y mediu. Pero comu creador la mio forma d´espresión, hasta agora, ye'l espectáculu unipersonal con base narrativa, comu'l monólogu o la xuglaría.

Teatreru.-¿Cómo ta diendo esi proyeutu de "Acostubaxu Teatru"?

Carlos.- “Acostubaxu Teatru” fue´l nome que nun momentu determináu-y quise dar a los mios proyectos cuandu nellos andechara más xente. Manténgolu en dellos documentos escritos pero la realidá fue imponiéndose, y diz que la xente conozme como “Cellero”, y entós como “Cellero” tengo que m'anunciar.

Carlos Alba, carauterizáu como'l so personaxe "Cellero".

Teatreru- Por embargu, nel montaxe de "Xuan soldáu", tienes collaboradores destacaos.

Carlos.- Xuan Soldáu fue un proyectu revesosu a la hora de lo llevar a escena. Per un llau ye un cuentu de los que llamen “maravilloso”, con seres sobrenaturales que desixíen el trabayu con títeres, marionetes o daqué asemeyáu. Per otru llau, hubo que facer un trabayu curiosu de dramaturxa pa lo adaptar al llingüaxe teatral, mayormente buscar que munchos fechos pasaren de tar narraos a ser acciones n'escena. Pa lo primero contauté con Olga Zeceva Churchich, que fizo la escenografía y atrezu. Pa lo segundu, con Alexander Churchich, que firma la dirección escénica. Cola ventaya tamién de qu'ellos tán de trabayar xuntos na so compañía, Teatro Plus.

Olga Zeceva y Alexander Churchich (drecha), Teatro Plus

Teatreru.- Imaxino que son de les escueles teatrales del Este, onde los Teatros Nacionales faen por preparar grandes profesionales. N'Asturies la realidá ye mui diferente, ¿verdá?

Carlos.- En Bulgaria´l teatru de títeres estúdiase nes escueles d´arte dramáticu, y tien categoría de carrera universitaria. Otramanera, los horarios  d´estes escueles  pueden amosamos dalgo sobre la diferencia con España: estudien dende les 9 de la mañana a les 10 de la nueche de llunes a sábados, y hasta les 5 los domingos. Como en too, nun hai milagros: la calidá aporta gracies al trabayu.

Teatreru.- ¿Qué introduciríes tu nel mundu teatral asturianu p'amaeyoralu? Falo dende'l puntu de vista cultural pero, sobre too, dende l'empresarial y corporativu.

Carlos.- Yo nun soi empresariu de vocación, soi un profesional que pa desendolcar el so trabayu fízose autónomu. O seya, la mio vocación ye teatral, nun ye empresarial. El corporativismu nun me gusta res en profesión nenguna. Otramanera, tocante a política teatral nun tengo fecho un mapa bien detalláu de lo que me prestaría; por agora la mio idea ye mas xeneral: contra mas democrática y reivindicativa seya una sociedá, mas va interesase la xente  pol teatru y pol arte en xeneral.

Teatreru.- Yes ún de los referentes del teatru fechu n'asturianu, qu'alternes nos montaxes col casteyán. ¿Ves futuru nel teatru escritu, dichu,entendíu na llingua llariega? ¿Ves que la xente respuenda con normalidá ente los montaxes n'asturianu?

Carlos.- A la xente présten-y los montaxes n'asturianu. Otramanera'l futuru del teatru n'asturianu ta venceyau al futuru de la llingüa.

Teatreru.- Por último, ¿que nos vamos alcontrar el día del estrenu en Candás?

Carlos.- N'escenariu vais ver una puertona pesllada. Ye la Puerta de la Bona Vida, y les aventures de Xuan Soldáu pa poder pasala, engarrándose con seres comu'l Diañu Cabra Mayor, la Bisarma… Y saliendo trunfante de les peripecies por cuenta de nun tener mieu a nada y confiar nél mesmu.

Los neños de Candás van tener la oportunidá de ser los primeros en saber si Xuan Soldáu va ser quien a pasar la puerta, porque la obra va ser representada'l xueves pela mañana pa inaugurar la XIX Campaña de Teatru pa Escolinos.

Los demás, hemos esperar hasta'l sábadu pa ser tresportaos por Cellero a esi mundu maraviyosu de seres sobrenaturales y suaños emponderantes, como fue quien pa llevanos a la dómina de los sieglos d'Oru picarescos col so Llázaru o a tiempos más medievales, col xuglar Bandurriu. 

Y, pa enriba, na llingua llariega. Oportunidaes asina nun se puen perder.

Lleer más...

La Peseta triunfó nos Premios del VIII Festival "Ciudad de Oviedo"

El sábadu día 20 celebróse la gala d'entrega de los Premios del VIII Festival de Teatru Amateur "Ciudad de Oviedo", organizado por FETEAS con la colaboración del Ayuntamientu capitalín.

Concurríen un total de catorce compañíes amateurs asturianes asociaes a la Federación de Teatru Amateur d'Asturies. Grupos que contribuyeron a faer un festival de lo más variáu, tocando dende'l xéneru costumista clásicu d'Eladio Verde al anováu d'Oliva, Carmen Campo, Segis Meana o Carmen Duarte, pasando pola adautación de clásicos del teatru contemporaniu como Ionesco o Salom y la puesta n'escena d'autores asturianos, como Maxi Rodríguez o Casona.

Representantes d'eses compañíes, amás de la xunta direutiva de la federación y los miembros del xuráu, aconceyáronse nel Auditoriu "Príncipe Felipe" pa la entrega los premios, que fue conducía d'una manera tan cenciella como efeutiva y divertida, pol grupu La Galerna.

Los premios fueron los siguientes:

Premiaos, miembros del xuráu, autoridaes y presentadores de la gala.

Meyor Direición: Cristina Bravo, de La Peseta Teatro; fueron nominaos Manuel Aller y Eladio Sánchez, de la Compañía Asturiana de Comedias, y José Ramón López, de Teatru Kumen.

Meyor Actriz: Silvia Sierra, de Teatro Kumen; Beatriz Barrieta, d'Odisea Teatro, y Esperanza Munilla, de La Peseta Teatro.

Meyor Actor: Fernando Zapatero, de La Peseta Teatro; Arsenio González, de la Compañía Asturiana de Comedias, Fernando Valle, del grupu Padre Coll, y Eusebio Tuya, d'Odisea Teatro.

Meyor Actriz Secundaria: Chusa Juarros, del Grupu de Teatru El Hórreo; Berta García, del Grupu Padre Coll; Ana Cristina Tolívar, d'Odisea Teatro, y María Vega, de La Peseta Teatro.

Meyor Actor Secundariu: Javier Val, de La Peseta Teatro; Miguel Ángel Peinado, del Grupu Padre Coll, y José Manuel González, de Teatru Kumen.

Meyor Escenografía: Odisea Teatro; José Manuel González y Teatro Kumen y Manuel Caño, de La Peseta Teatro.

Mejor Illuminación: José Ramón López, de Teatro Kumen; Alberto Ortiz, de La Capacha, y Odisea Teatro.

Mejor Espaciu Sonoru: Iván San Segundo, de La Máscara.

Mejor Vestuariu: El pespunte (Noelia y Kuka), de La Peseta Teatro; Teatro Kumen y Odisea Teatro.

A xuiciu del xuráu, quedaron desiertos los premios más lliterarios: el Premiu a la Meyor Idega Orixinal, el Premiu al Meyor Testu d'un Autor Vivu y el Premiu al Meyor Testu n'Asturianu d'un Autor Vivu.

P'acabar, el grupu de teatru Santa Bárbara de Llaranes llogró'l Premiu del Públicu, otorgáu poles votaciones de los asistentes al teatru Filarmónica mientres duró'l Festival.

El rei nun tá tan muertu.

María Veiga, Kuka Suárez, Cris Bravo, Manuel Caño y Fernando Zapatero (La Peseta)

El gran ganador de la xornada fue'l grupu xixonés La Peseta Teatro, que garró ná menos que cuatro premios (meyor direición, meyor actor principal, meyor actor secundariu y meyor vestuariu, amás de les nominaciones nes categoríes de meyor actriz, meyor actriz secundaria y meyor escenografía), pola versión de El rey se muere de Eugène Ionesco, qu'estrenaren nel Teatru Jovellanos, el 13 d'abril (cuando ficimos reseña d'ello nel blogue).

Ye'l premiu merecíu a un bayurosu trabayu bien fechu. La llectura personal que Cristina Bravo fai d'esti testu allocáu ye perfechamente correspondía na puesta n'escena y na interpretación del grupu actoral, too ello enmarcao nuna atmósfera escénica impecablemente absurda. Los "peseteros" llogren cola agonía del rei caprichosu treslladar al espeutador al reinu mauricientu, faciéndolu pasar por dellos estaos d'empatía, hasta pol paralelismu cola sociedá actual...

Sinceramente, espero qu'estos reconocimientos sirvan pa que La Peseta suba'l so rei a más escenarios. Dende'l so estrenu, namái fue puesta n'otres dos ocasiones: en Valdés y nel Festival d'Uviéu. Y ye bien triste qu'obres d'esta calidá tengan tantes dificultaes p'alcontrar un sitiu onde ser mostraes.

Vuelvo a glayar: "¡Salú pol rei moribundu!"

Chusa.

Juaco Fernández, Chusa Juarros y Josefina Lombán, d'El Hórreo

Chusa Juarros merez una atención aparte. El premiu del sábadu como meyor actriz secundariu ye namái qu'un reconocimientu a esta actriz qu'esporpolla talentu ellí onde se sube a les tables. Porque ye bien conocía polos sos papeles frescos y candiales dientro de les obres costumistes correndones y tan movíes que lleguen a rallar col vodevil, del grupu de teatru "El Hórreo" de Barcia. Pero ye quien pa machucar el prexuiciu vagu del encasiellamientu l'actor costumista cuando se viste cola piel de l'Angustias de La casa de Bernarda Alba con Mierescena y Teatro Casona, embaxo la direición d'Andrés Presumido.

Chusa Juarros merez una atención aparte por Actriz.

Lleer más...

El calendariu de Les Ayalgues

El miércoles 20 d'agostu, a les 23 hores, l'Asociación Cultural "Les Ayalgues de Carreño" fue la encargada d'abrir el XXIV Salón de Teatru Costumista de Candás col estrenu absolutu de la obra El calendariu, de José Ramón Oliva. Pesie a ser escrita ex profeso pol autor sierense, el llabor de la direutora, l'actriz profesional Gemma de Luis Noriega, nun fue cenciella, porque había poner n'escena a ná menos que diecisiete actrices.

Oliva, tirando de la so cinefilia, proponía la siguiente trama coral: doce monxes nun conventu candasín faen marañueles pa salir p'alantre, pero fai tiempu que dexaron de ser rentables y el conventu ta a piques de tener que zarrar; la madre superiora decide sacar perres entamandu un calendariu de semeyes de les hermanes; y, a partir d'ehí, milenta enguedeyos.

De Luis contaba con un bayurosu elencu de muyeres del conceyu ente los que repartir les personaxes que, como se diz nel testu, caúna tien la so personaildá, a mou de puela Pitufa: Leni Gonsalves, como Madre Superiora; Marujina del Egido, Sor María; Lida Reduello, Sor Gloria; Meli Martínez, Sor Piedad; Mari García Riera, Sor Mercedes; Luisa Iglesias Suárez, Sor Encarnación; Cuqui Álvarez Fernández, Sor Pilar; Maribel Rodríguez Migote, Sor Sagrario; Nieves Escudero, Sor Candelaria; Gloria Salazar, Sor Dolores; Maruja Fernández, Sor Socorro; Aidé Fernández Carrocera, Sor Angélica; Cheres Quintín, Sor Lucrecia; Mari Luz Valdés, Sor Magdalena; Cary García Fraile, Cristina "la fotógrafa"; Amelia González Fernández, Marcela "l'ayudante"; y Adela Román Santos, Luisa "la periodista".

El resultáu de la combinación fue espléndidu y la obra arrancó los primeros aplausos y les primeres risotaes del Salón. Poro, el llabor d'Oliva y el de De Luis fueron recompensaos colos Premios Aurora al meyor testu dramáticu y a la meyor direición, respeutivamente.

Lleer más...