I Concursu de Microteatru nel Horru

Esti sábadu 21 de xunu va cellebráse la fase final del I Concursu de Microteatru nel Horru: les representaciones de los cuatro testos finalistes. La iniciativa, entamada pol Ecomuséu Ca L'Asturcón d'Argüeru (Villaviciosa), escomenzó va meses cola receición de testos orixinales de microteatru qu'habíes de cumplir con dellos requisitos, como'l poder ser representaos dientro les dimensiones propies d'un horru o que'l so desendolcu ufriere una aprosimación al significáu y los usos propios del horru como elementu cultural.

Presentáronse 24 obres y fueron escotíes estes cuatro pa la so representación na final:

• Patatones, de Mercedes Verástegui, ye un sainete nel interior d'un horru ente patates dixebraes en por montones: nún tán les patates pala siembra; n'otru, les patates pa freir y cocinar; y ne últimu, les patatines coloraes. Mercedes Verástegui, madrilana residente en Xixón, preséntase, xunto a dos compañeres actrices, col Grupo de Teatro "Colombina" de Xixón y ye actriz (La estrada de Producciones Nun Tris) y direutora (Conozca usted el mundo, d'Azogue Teatro).
• Helio, de Julio Fernández Peláez de Zamora, ye un diálogo nel interior d'un horru ente Rosa y Helio, el so pa, un vieyu de 94 años que pasó tola vida semando bellotes y que va ser interpretada pol grupu vigués Anómico Teatro, que dirixe Fernández. L'autor, que ganara dellos premios lliterarios (IV Premio "Tadrón de Teatro x la Justicia"; VI Premio "El Espectáculo Teatral"; XIII Premio "Sexto Continente" de rellatu negru; y VI Premio "Ángel Ganivet" de novela) y publicara delles obres en gallego y castellán, ye'l direutor de la revista d'artes escéniques "Núa".
• La herencia, de Sergio Buelga, ye un sainete de calter costumista asturianu pa dos personaxes, Mino y Balbina, hermanos que discutirán polos términos d'una herencia, onde l'autor espeya dellos aspeutos culturales y etnográficos que-y dan forma a la pieza. Sergio Buelga lleva años puxando pola dignificación de la cultura tradicional asturiana y del so idioma, al traviés del so empeñu profesional, como animador sociocultural y cuentacuentos, y del so llabor artísticu (dientro la Compañía Asturiana de Comedias) y lliterariu (pol que llogró dellos premios como'l "Aurora Sánchez" o el "Dulce por amargo" otorgáu pola ESAD d'Asturies). Va ser representada por él y la so hermana Mar Buelga, que xuntos formen el grupu "Los nietos de Ramonita". (Siempre ye fatigoso escribir d'ún mesmu y espero que nun quedare la reseña mui arrogante)
• ¡La bolsa o la morcilla!, de Rosario Naranjo, presenta a tres personaxes dientro un horru asturianu: dos amantes enriba un montón d'henu que son sorprendíos por un lladrón metíu nun traxe negru y con una mazcara de zorru, que lleva un maletín.Va echase pol Grupo de Teatro de Chiclana de La Frontera. L'autora sevillana dedícase dende va años a la creyación y investigación lliteraria (en teatru y narrativa), trabayu qu'amiesta al de téunicu nel Ministeriu d'Economía; tamién ye redautora y correutora de testos, columnista de prensa, collabroadora en páxines lliteraries; autora de cinco noveles, numberosos rellatos, un llibru cuentos, pieces teatrales, d'ensayu, poesía... y ganadaro d'una bayura de premios (XIV Premio de Teatro Mínimo "Rafael Guerrero" o V Certamen "Creadores por la libertad y la paz" de narrativa)

Les representaciones van desendolcase entes les 16 y les 20 hores del sábadu, en cuatro pases dientro l'horru. Poro, l'aforu va tar llimitáu poles propies carauterístiques del espaciu y daquellos que quieran participar han pidir reserva (al teléfonu 985 99 90 01 o al e-mail foncalada@asturcon-museo.com). Por embargu, van ser los propios espeutadores lo que tengan la voz final nel repartu de premios, votando a aquella obra que más-yos preste.

Por otru llau, l'eventu va ser l'entamu de la Selmana d'Arte y Ecoloxía nel Ecomuséu "Ca l'Asturcón", con delles actividaes de toa mena, cola collaboración del grupu Mar Rojo Producciones. (Pa mayor información, picái nel enllaz)

Tou un apueste pola innovación teatral y la conservación natural y cultural. Nun se pue dexar pasar.

¡Ellí nos vemos!

Lleer más...

Axenda teatral (del 13 al 19 de xunu)

Vienres, 13 de xunu

• Colunga, Sala Loreto, 18 h., Nina cocinamiedos, Mar Rojo Producciones
• Valdés, Salón d'Actos del Institutu de Lluarca, 20 h, El rey se muere, La Peseta Teatro

 

• Navia, El Liceo, 20 h., Masculino Plural, La Tejedora de sueños.
• Sotu'l Barcu, Cine Clarín, 20:15, Pequeño Cabaret, Escenapache
• Avilés, Auditoriu Centro Niemeyer, 20:30, Julio César, Paco Azorín
• Llanera, Cafetería Vita Nova de Llugu, 23:00, Sesión de monólogos colos Monologuistes de les nueches de casona. #TNAst

Sábadu, 14 de xunu

• Colunga, Sala Loreto, 18 h., Cuentos sonantes y títeres, Arte Fusión Títeres #TeatruInfantil
• Xixón, Quinta Bertrand de Somió, 18 h., La llave del tesoro, Ververemos #TeatruInfantil
• Samartín del Rei Aureliu, Teatru Municipal de SMRA, 20h., El banquero anarquista, Teatro Margen

Domingu, 15 de xunu

• Xixón, Quinta Bertrand de Somió, 20 h., Disfruta en Canto, Ververemos

Llunes, 16 de xunu

•  Xixón, CMI d'El Llano, 19 h., Si tas mala nun vayas al médicu, Grupu Traslluz #TNAst
  
  

Martes, 17 de xunu

•  Xixón, CMI d'El Llano, 19 h., Si tas mala nun vayas al médicu, Grupu Traslluz #TNAst
• Mieres, Casa Cultura "Tiadoro Cuesta", 20h., 3 sainetes, Compañía Asturiana de Comedias #TNAst

Miércoles, 18 de xunu

• Mieres, Casa de Cultura Teadoro Cuesta, 18 h., El alma de la melodía versión infantil, El alma de la melodía #TeatruInfantil
• Uviéu, Teatru Campoamor, 20 h., Curro Vargas, Graham Vick #Zarzuela

Xueves, 19 de xunu

• Mieres, Casa Cultura "Tiadoro Cuesta", 20h., El cantar de los pipiolos, Teatro Padre Coll #TNAst

• Siero, Auditoriu de La Pola, 20h., El tiempo y los Conway, 4º d'Interpretación de la ESAD

Circuitu de les Artes Escéniques del Principáu d'Asturies  
1ª Temporada - Primavera 2014 de Teatru al Aire Llibre na Quinta Bertrand 
VII Salón del Títere de Colunga "Saltitiricol"
Muestra de Teatru Amateur del Principáu d'Asturies (FETEAS)

Lleer más...

Axenda teatral (del 6 al 12 de xunu)

Vienres, 6 de xunu

• Villaviciosa, Ecomuseo del Asturcón d'Argüeru, 17 h., La mar de cuentos, Mar Rojo Producciones. #TeatruInfantil
• Colunga, Sala Loreto, 18 h., Quiero ser guapa, Teatro Plus. #TeatruInfantil

• Siero, Casa de Cultura d'El Berrón, 18 h., Cuentos Viajeros, El Caracol Teatro #TeatruInfantil
• Pravia, Auditoriu José Barrera, 20:30,  ¿Qué te pasa, Iván?, Teatro del Cuervo.
  
• Siero, Meres, 22 h., Contigo pan y cebolla, Grupo Traslluz #TNAst

Sábadu, 7 de xunu

• Llanes, Escuela Municipal de Música, 12:30, ¡Que no te cuenten historias... igual somos iguales!, Producciones Quiquilimón
• Colunga, Sala Loreto, 18 h., A mano, El Patio. #TeatruInfantil
• Uviéu, Centru Comercial "Los Prados", 18 h.,  La mar de cuentos, Mar Rojo Producciones. #TeatruInfantil
• Xixón, Quinta Bertrand de Somió, 20 h., El Toro. Farsa Teatral, Ververemos

Domingu, 8 de xunu

• Xixón, Centru Cultural Antiguu Institutu, ¡Manos arriba!, Mares Danza, C.B. #TeatruInfantil
• Colunga, Parque Hernán Pérez Cubillas, 12:30 h., Taller: Peque-Titireteros, Kamante #TallerInfantil
• Xixón, Teatru de La Llaboral, 17:30, En un lugar de la galaxia, Teatro del Cuervo #TeatruInfantil
• El Franco, Auditorio As Quintas (A Caridá), 19 h., Danza al desnudo, Zig Zag Danza
• Xixón, Quinta Bertrand de Somió, 20 h., El Toro. Farsa Teatral, Ververemos

  
Circuitu de les Artes Escéniques del Principáu d'Asturies  
1ª Temporada - Primavera 2014 de Teatru al Aire Llibre na Quinta Bertrand 
VII Salón del Títere de Colunga "Saltitiricol"
Muestra de Teatru Amateur del Principáu d'Asturies (FETEAS)

Lleer más...

Axenda teatral (del 30 de mayu al 5 de xunu)

Vienres, 30 de mayu

• Siero, Casa Cultura de Llugones, 19:30 h., El retratista, Rosario Trabanco #TNAst

• Pravia, Bar La Ruta, 19:30 h., ¿Quién ye'l postreru?, Chanclos Asgaya #TNAST

• Siero, Sala Principal del Auditoriu La Pola, 20 h., Superhéroe, Teatro Des Clos #TeatruInfantil
• Avilés, Teatru Palacio Valdés, 20:15 h. Pequeño Cabaret, Escenapache
• Corvera, C.C. El Llar de Las Vegas, 22:30 h., La Trama, Teatro Kumen

Sábadu, 31 de mayu 

• Siero, Quioscu de la Música de La Pola, 12 h., Retablillo de títeres y cuentos, Rodorin #TeatruInfantil
• Siero, Sala Cámara del Auditoriu La Pola, 17:30 h., Amor de cuentos, Teatro Arbolé #TeatruInfantil
• Siero, Exposición del Auditoriu La Pola,18:30 h., Cachivaches de la A a la Z, Rodorin #TeatruInfantil
• Siero, Sala Principal del Auditoriu La Pola,19:30 h., Eñ guardián de los cuentos, La Tartana #TeatruInfantil
• Xixón, Quinta Bertrand de Somió, 20 h, Gijón 1912. Una fiesta de época, Ververemos
• Carreño, Teatru Prendes de Candás, 20 h, Los galgos y Parexa desparexá, Rosario Trabanco #TNAst
• Siero, Escenariu de la Sala Principal del Auditoriu La Pola, 20:30 h., On el funambulitsa, Luz, Micro y Punto #TeatruInfantil
• Llangréu, Nuevu Teatru de La Felguera, 20:15 h., El tiempo y los Conway, 4ºA d'Interpretación de la ESAD
• Siero, Sala Cámara del Auditoriu La Pola, 22h., Parias, Javier Aranda

Domingu, 1 de xunu

• Siero, Escenariu del Parque Alfonso X de La Pola, 13 h., Pequeñeces, Tropos Teatro de Títeres #TeatruInfantil
• Siero, Sala Principal del Auditoriu La Pola, 19:30 h., Hilos, Baobab Teatro #TeatruInfantil
• Xixón, Quinta Bertrand de Somió, 20 h, Gijón 1912. Una fiesta de época, Ververemos

Miércoles, 4 de xunu

• Cangas, Teatru Toreno, 18 h. El árbol de las estaciones, Kamante Teatro

Xueves, 5 de xunu

• Carreño, Teatru Prendes, 11:30 h, El viaje de Covaletti, Higiénico Papel Teatro #TeatruInfantil
• Xixón, Teatru de La Llaboral, 20:30 h., La gran ilusión, 4ºB d'Interpretación de la ESAD

Circuitu de les Artes Escéniques del Principáu d'Asturies 1ª Temporada - Primavera 2014 de Teatru al Aire Llibre na Quinta Bertrand 
XI Festival Titeresi
Muestra de Teatru Amateur del Principáu d'Asturies (FETEAS)

Lleer más...

Talleres de la ESAD 2013/2014

Esti cursu

Nesti momentu, tán últimándose los proyeutos de fin de cursu na Escuela Superior d'Arte Dramáticu d'Asturies, que se van estrenar en breve.

4ºA atrévese con un clásicu del británicu J.B. Priestley, El tiempo y los Conway, una obra estrenada allá polos años 40, que fala de les aspiraciones y frustraciones d'una saga familiar, los Conway, con unos miembros qu'actúen moviéndose pol estrechu filu de la cotidianidá de la vida, marcada pola allegría y la so consustancial y necesaria tristeza. Dirixía por Enrique Villanueva, tará interpretada por Marina Álvarez, Javier Arboleya, Beatriz Canteli, Patricia García, David López, Paula Mata, Marta Méndez y Roca Suárez, coles collaboraciones especiales de Miryam González y Jesús Prieto.

Estrenu, 29 de mayu (20:30), Teatru de la Llaboral

31 de mayu (20:15), Nuevu Teatru de La Felguera

19 de xunu, Teatru Audotoriu de La Pola

4ºB va encarar una obra del cómicu italianu Eduardo de Filippo, autor de la universal Filumena Marturano: La grande magia, nuna versión d'Eladio de Pablo que la torna como La gran ilusión. Trata'l tema de la confianza ciega nos seres queridos d'una forma atractiva y singular: nun balneariu, atopamos a la pareya formada por Calogero y la so muyer, Marta y a un magu; aprovechando un trucu, Marta y el magu escápense, quedando'l celosu Calogero pendiente d'una caxa onde'l prestidixitador-y dixo que taba la so muyer; Calogero, incapaz de creyer na infidelidá de la so muyer, creya una ilusión paralela, de la que se convencerá. El montaxe tará dirixíu por Nora López, cola asistencia de Pablo Mare y Irene Santos, y interpretáu por Javi Castro, Enrique Dueñas, Vicky Igareta, Saray M.H., Víctor Revilla, Noelia Riesgo, Ángela Tomé y Carolina Trancón. 

Estrenu, 5 de xunu (20:30), Teatru de la Llaboral

12 de xunu (19:30), Centru Cultural Los Canapés d'Avilés

14 de xunu (20:15), Nuevu Teatru de La Felguera

El cursu pasáu

"Yo prometo fidelidá a los llabios de Rocky Horror Show

y a la decadencia que simbolicen, con suaños sensuales

a plena lluz del día, pasadiellos eróticos

y pecaos de la carne pa toos"

Xuramentu de metamorfosis horrorita

Quiero echar la vista al pasáu añu 2013: los talleres de fin de cursu ufrieron dos obres de contraste marcáu: la reivindicativa puxa pola paz de Cruzadas, de Michel Azama, llevada a escena polos alumnos de 4ºA y la reivindicativa tresformación nes identidaes del musical The Rocky Horror Picture Show, de Richard O'Brien, qu'interpretaron los de 4ºB. Agora, unes y otros, yá son actrices y actores profesionales, con un flamante títulu qu'asina lo acredita. (He de reconoceme un horrorita matúsculu, que siempre esfrutó asgaya cola perfomance de Tim Curry y que vivió un momentu estraordinariu nel Teatru Nuevu de La Felguera cola estraordinaria interpretación de Manu Lobo; sigo convencíu de que fue un erru nun caltener montaxe tal, que triunfó en Xixón, Avilés y Oporto)

Pero tamién recordar el taller de Direición Escénica, Nosferatu, dirixíu por Inma Montes, embaxo la tutela del profesor Leopoldo García Pumarino, últimu pol momentu, d'esa disciplina, polo que'l direutor del centru, Eladio de Pablo, faló en términos de "rabia y coraje". Esti añu nun tendremos la posibilidá d'esfrutar con esi taller. Esperemos qu'en cursos vinientes se solucione.

Lleer más...

Axenda teatral (del 23 al 29 de mayu)

Vienres, 23 de mayu

• Avilés, Cúpula Centro Niemeyer, 17:20/18:20/19, (Remor), Res de Res & en Blanc #OffNiemeyer
• Xixón, Parque Hermanos Castro, 19:30 h., The Hole Show, Paco León y Yllana.
• Valdés, Trevías, 20 h., El candidatu, Teatru Carbayín #TNAst 

• Xixón, Teatru de La Llaboral, 20:30 h, Teatro precario, El Perro Flaco
• Xixón, Teatru Jovellanos, 20:30 h., La verdad sospechosa, Compañía Nacional de Teatro Clásico
• Xixón, Espacio Escénico EL Huerto, 20:30, Portrait, Zig Zag Danza
• Xixón, Parque Hermanos Castro, 22:30 h., The Hole Show, Paco León y Yllana.

Sábadu, 24 de mayu

• Xixón, Quinta Bertrand de Somió, 18 h, La llave del tesoro, Ververemos #TeatruInfantil
• Xixón, Parque Hermanos Castro, 19:30 h., The Hole Show, Paco León y Yllana.
• Siero, Auditoriu de La Pola, 20 h, Mariana Pineda, Teatro del Norte
• Siero, Valdesoto, 20 h., El candidatu, Teatru Carbayín #TNAst
• Uviéu, Casa de Asturias, 20 h., Salióme el tiru por la culata, Grupu Traslluz #TNAst

• Llangréu, Teatro Nuevo de La Felguera, 20:15, Las noches perdidas, Teatro Kumen #Estrenu
• Xixón, Teatru de La Llaboral, 20:30 h, ¿Qué hay de nuevo?, Leo Harlem
• Xixón, Teatru Jovellanos, 20:30 h., La verdad sospechosa, Compañía Nacional de Teatro Clásico
• Avilés, Sala Centro Niemeyer, 20:30, Por un infierno con fronteras, Denise Despeyroux #OffNiemeyer
• Xixón, Parque Hermanos Castro, 22:30 h., The Hole Show, Paco León y Yllana.

Domingu, 25 de mayu

• Xixón, Quinta Bertrand de Somió, 20 h, Disfruta en Canto, Ververemos
• Uviéu, Teatru Campoamor, 20 h., #Quenonosfrunjanlafiesta, David Guapo
• Xixón, Parque Hermanos Castro, 20 h., The Hole Show, Paco León y Yllana.

Llunes, 26 de mayu

• Llanera, Espaciu Escénicu Plaza de La Habana, 20 h., Muerte de un poeta, Teatro del Norte

Martes, 27 de mayu

Miércoles, 28 de mayu

• Mieres, Casa de Cultura Teadoro Cuesta, 18 h., Catalina y los bosques de hormigón, La Vereda Teatro

Xueves, 29 de mayu

• Xixón, Teatru de La Llaboral, 20:30 h., El tiempo y los Conway, 4ºA d'Interpretación de la ESAD

Circuitu de les Artes Escéniques del Principáu d'Asturies
1ª Temporada - Primavera 2014 de Teatru al Aire Llibre na Quinta Bertrand 
OffNiemeyer
Xira The Hole Show

Muestra de Teatru Amateur del Principáu d'Asturies (FETEAS)

Lleer más...

Entrevista a Paula Moya

Esti sábadu 24 de mayu estrénase nel Teatru Nuevu de La Felguera el nuevu montaxe del grupu de Teatru Kumen: la picante, sensual y golfa Las noches perdidas. Con esti motivu, espublizo la entrevista que tuvo a bien concedeme Paula Moya, actriz y direutora escénica del grupu, que triunfó col montaxe Las troyanas en dambos aspeutos, ganando los premios a la Meyor Direición nos Festivales “Ciudad de Oviedo” y “Ciudad d'Elx”, los premios a Meyor Actriz Principal n'Uviéu, Elche y Dos Hermanas y, "con especial ilusión", el Premiu Escenamateur de les Artes Escéniques 2013 a la Meyor Intérprete Femenina.

Teatreru.- Cuéntamos un poco, cómo llegaste al teatru y cómo aparaste en Kumen.

Paula.- El mi primer acercamientu al mundu del teatru, al igual que muncha xente, fue nel colexu. Tovía guardo'l testu y recuerdo hasta la ropa que llevaba, pero creo que fue polo mal que lo pasé. ¡Qué va, aquello nun yera lo mío, yera demasiao vergoñoso! Creyi que nunca nun doba volver a subime a un escenariu. Pero, años dempués, nel institutu, escoyí la optativa de Teatru (fuxendo d'Informática, confiésolo). Un día vinieron a falanos del cursu d'Iniciación al Teatru qu'organizaba la OIJ del Ayuntamientu de Llangréu y, como toles mies compañeres s'apuntaron, ¡pues yo tamién! Ehí conocí a José Ramón López, de Teatru Kumen... y hasta agora. A lo llargo d'estos años colaboré y trabayé con munchos grupos. Actualmente amieso Teatru Kumen cola direición de grupos de teatru amateur y de Centros d'Apoyu a la Integración

Teatreru.- Yes actriz y direutora. ¿Cómo diste'l pasu d'un a otru?

Paula.- Escomencé en Kumen nel 97, como actriz en papeles pequeños y sustituciones y, pasu énte pasu, fui garrando más responsabilidaes. La direición nun llegó hasta'l 2012, con Mejestrix contra Quasimodo. Pero yo nun di'l pasu: ¡emburriáronme!. Fue tou un retu, pero aprendí muncho col proyeutu.

Teatreru.- Dirixiste xunto a José Ramón López Las Troyanas, d'Eurípides. Tuvo que ser tou un retu pa un grupu que suel tocar temes más contemporanios.

Paula.-  En Kumen nunca nun mos acaráramos a una traxedia clásica y, dempués de varios años de comedia, creyíamos que yera'l momentu. Lo más difícil de "Troyanas", na mio opinión, fue la co-direición, porque yéramos dos direutores con idegues mui distintes, Pero Ramón tenía mui claro dende'l principiu qué quería faer y cómo lo quería faer. Asina qu'él centróse más nel montaxe y l'adautación y yo, na direición actoral.

Teatreru.- Las troyanas suponen un ésitu mui importante pa Kumen, pal teatru aficionáu n'Asturies y, supongo, que pa ti. ¿Cómo se lleva recibir tantu premiu? 

Paula.-Toos, yo la primera, enfrentámonos a “Troyanas” con munchu miéu, munches duldes y munchu respetu, asina que somos los primeros sorprendíos cola rempuesta'l públicu y colos premios recibíos. Dende'l so estrenu, en mayu de 2013, "Troyanas" lleva 11 funciones. La metá d'elles fueron en Festivales, dalgunos de calter nacional, onde recibiera un total de 13 premios.

Teatreru.- Pero, a parte de los premios y el reconocimientu, ¿con qué te quedes del clásicu d'Eurípides? 

Paula.- Los premios suponen un impulsu pa siguir meyorando y esforciándonos no que faemos, pero "Troyanas" fuera tou un retu y el fechu de consiguir superalu y'a ye toa una satisfaición pa nosotros. Lo meyor ye que siguimos aprendiendo con cada función y esfrutando muncho, munchísimo. Personalmente, aprendí abondo d'Hécuba, tanto a nivel interpretativu como a nivel personal. Hécuba ye una muyer que, desgracia tres desgracia, llogra reponese y sacar fuercies de la nada pa siguir p'alantre. Y eso ye toa una lleición de vida. ¡Yá podía pegáseme un pocoñín de la fuercia d'ese muyer! Tamién tengo que destacar lo que supuso esi testu a nivel grupal. Sé que suena mui místico, pero en "Troyanas" hai momentos d'enerxía, de conexón, d'emoción real... y creo qu'eso xuniónos un poco más. Hubo un momentu que nun olvidaré nunca: un compañeru consiguió que se me parara'l corazón n'escena. Esos pequeños momentos "máxicos" son los que faen que tol esfuerciu valga la pena y, hasta agora, nunca nun los viviéramos con tanta intensidá. ¡Agora solo espero que sepamos facé-ylo llegar al públicu!

Teatru Kumen. Las troyanas.

Teatreru.- Falamos de retos: ¿qué autor/obra/xéneru t'apatez más agora? 

Paula.- Nun sabemos tar quietos, asina que yá tamos trabayando nel siguiente proyeutu: Casanova, memorias de un libertino. Trátase d'una adautación teatral de les memories de Giacomo Casanova. ¡Y eso sí que supón un retu!

Teatreru.- ¿Atrévesteríeste con teatro n'asturianu?

Trabayar con un testu n'asturianu impón respetu. Pasónos nel 2007, cuando estrenamos Actu imprevistu, de Miguel Gallego. Pol testu y la temática, paeciómos que tenía sentíu treslladar l'aición al Norte y adautala al asturianu (la obra orixinal representábase n'andaluz). Supuso un gran esfuerciu y nun fue nada fácil faenos col testu, pero l'encargáu de l'adautación diónos clases y creo que conseguimos un buen resultáu. Lo peor fue cuando empezamos a salir d'Asturies y teníamos qe representala en casteyán... ¡Tremendo!

Teatreru.- ¿Un montaxe de "Les troyanes", por exemplu, pienses que tendría una aceutación paecía?

Paula.- ¿Las Troyanas n'asturiano? ¡Habría de trabayase muncho el testu! Pero creo que, con trabayu previu y un enfoque adecuáu, podría resultar.

Teatreru.- ¿Cuáles son los proyeutos qu'agora tienes en mente o onde te tas yá embarcada? 

Paula.- Pues, a parte de l'adautación de Casanova, memorias de un libertino estrenamos un nuevu proyeutu'l día 24 de mayu: un espectáculu p'adultos que lleva por títulu Las noches perdidas. Un proyeutu un tanto arriesgáu, non aptu pa tolos públicos, con escenes subíes de tonu..., pero dempués de tanta traxedia, ¡pedíamoslo'l cuerpu!

Teatreru.- Por último, ¿nunca nun pensaste en dedicate profesionalmente a esto? 

Con Alevosía Teatro, Lecciones para una dama

Paula.- ¡Claro! Sedría'l mio suañu. Y voi intentándolo poquiñín a pocu con "Con Alevosía Teatro". Pero la mio situación personal anguaño nun me permite dedica-y'l tiempu y la dedicación que desixe'l teatru profesional y tengo que conformame con ensayar un par d'hores a la selmana. Asina que, de momentu, el teatru tendrá que siguir siendo'l mio hobby. De momento.

Lleer más...

Axenda teatral (del 16 al 22 de mayu)

Vienres, 16 de mayu

• Xixón, Parque Hermanos Castro, 19:30 h., The Hole Show, Paco León y Yllana.
• Nava, Casa de Cultura Marta Portal, 20 h, Conozca usted el mundo, Azogue Teatro
• Navia, El Liceo, 20 h., Masculino Plural, La tejedora de sueños
• Siero, Auditoriu de La Pola, 20 h, La zapatera prodigiosa, Teatro del Norte
• Sotu'l Barcu, Cine Clarín, 20:15, En un lugar de la galaxia, Teatro del Cuervo
• Xixón, Espacio Escénico El Huerto, 20:30 h, Manneken, Estudio para Autorretrato
• Avilés, Centro Niemeyer, 20:30 h., La llamada, Javier Ambrossi y Javier Calvo
• Llanera, Cafetería Vita Nova de Llugo, 21 h., "Políticamente correctos", por Teatroncho
• Xixón, Parque Hermanos Castro, 22:30 h., The Hole Show, Paco León y Yllana.

Sábadu, 17 de mayu

• Xixón, Atenéu de La Calzada, 19:30 h., El gesto imperceptible de Sarah K., Cris Puertas
• Xixón, Parque Hermanos Castro, 19:30 h., The Hole Show, Paco León y Yllana.
• Carreño, Teatro Prendes de Candás, 20 h., La extraña pareja, Teatro Muriago 
• Ribeseya, Casa de Cultura, 20 h., Ni contigo ni sin ti, Teatro Traslluz #TNAst

• Xixón, Quinta Bertrand, 20 h., El toro, Ververemos 
• Xixón, Espacio Escénico El Huerto, 20:30 h., Catacróquen, Verónica Gutiérrez y Lorena de la Fuente
• El Franco, Escueles d'Arancedo, 21:30 h., Xuaco encontróu trabayo y algo más..., Grupo Casadoiro d'Anleo #TNAst
• Xixón, Parque Hermanos Castro, 22:30 h., The Hole Show, Paco León y Yllana.

Domingu, 18 de mayu

• Navia, Escueles de Villapedre, 17:30 h., El cesto de Xan, Juan Manuel Méndez #TNAst
• Llaviana, Casa de Cultura, 20 h., L'apuesta de los centollos, Teatro Kumen #TNAst

• Xixón, Quinta Bertrand, 20 h., El toro, Ververemos 
• Xixón, Parque Hermanos Castro, 20 h., The Hole Show, Paco León y Yllana.

Llunes, 19 de mayu

• Avilés, Los Canapés, 19 h., Arizona, La Capacha

Martes, 20 de mayu

Miércoles, 21 de mayu

• Samartín del Rei Aurelio, Teatru de SMRA en L'Entregu (sesión matinal), Los amorinos de Bastian y Bastiana, por Producciones Nun Tris #TNAst
• Mieres, Casa de Cultura Teadoro Cuesta, 18 h., En un lugar de la galaxia, Teatro del Cuervo
• Xixón, CMI Gijón Sur, 18 h., Mis dedos tocan los días que pasan, Producciones Quiquilimón
• Cangas, Teatru Toreno, 20 h., L'espectáculu de Xuglar Bandurriu, Carlos Alba "Cellero" #TNAst

• Xixón, Parque Hermanos Castro, 20:30 h., The Hole Show, Paco León y Yllana.

Xueves, 22 de mayu

• Llangréu, Ciañu (sesión matinal), El pelegrin valiente, Producciones Nun Tris #TNast
• Xixón, Parque Hermanos Castro, 20:30 h., The Hole Show, Paco León y Yllana.
• Valdés, Recintu Ferial d'Otur, 22 h., El candidatu, Teatru Carbayín #TNAst

Circuitu de les Artes Escéniques del Principáu d'Asturies
1ª Temporada - Primavera 2014 de Teatru al Aire Llibre na Quinta Bertrand 
Xira The Hole Show
Axenda Didáctica 2013/2014 
Muestra de Teatru Amateur del Principáu d'Asturies (FETEAS)
1ª Temporada de Teatru en Villapedre
I Xornaes de Teatru d'Arancedo

Lleer más...

El gran teatru del mundu

Imaxináivos la emisión radiofónica d'un conciertu de Dixebra, que cuenta cola presencia, en primera fila, de la presidenta de l'Academia de la Llingua, Ana Cano, vistía con un traxe de somedana diseñáu por Pertegaz, y que bailla de la mano con Javier Fernández, l'inigne presidente autonómicu, tamién de traxe de paisanu, al llau de la princesa Letizia. Y cuando Xune entona'l "Rompi, rompi, rompi'l ritmu", han cortar la retresmisión pa dar pasu a un sucesu misteriosu: la cayía d'un estrañu meteoritu nel vertederu de Cogersa. (Ye verdá que bien podía ser al revés: que cortaren la noticia del meteoritu por dar la estraña tresformación de Javier Fernández diendo a un conciertu de Dixebra)

Esti ye l'entamu d'ún de los episodios del nuevu programa de RPA "El gran teatru del mundu", dirixíu por Dolfo Camilo Díaz. Retómase con elli'l xéneru del radioteatru, que tanta bayura algamara a los nicios de les tresmisiónes radiofóniques, cuando la televisión nun yera competencia, con fitos como la versión de La guerra de los mundos de H.G. Wells fecha por Orson Welles (y que Dolfo Camilo parodia), o les radionoveles, como Ama Rosa, La saga de los Porreta o Matilde, Perico y Periquín, que teníen enganchada poles oreyes a media población española, ensin dexar de citar la figura del xixonés Juan José Plans, xunto a Narciso Ibáñez Serrador, l'auténticu modernizador temáticu de les dramatizaciones radiofóniques n'España (y que, pola so capacidá de creyación, pa min ye'l xixonés más universal de la cultura del sieglu XX).

Luis Fernández, Ana Belén León, Andrés Presumido, Silvino Torre, Antón Caamaño, Eladio de Pablo y Dolfo Camilo Díaz

"El gran teatru del mundu" presentóse'l vienres pasáu nun actu cellebráu nún de los paraninfos de la Escuela Superior d'Arte Dramáticu, istitución que collaboró col ayerán mientres los ensayos y faciendo un cásting ente los sos alumnos, l'añu pasáu, d'onde salieron dos actrices participantes nel proyeutu. Introducida pol direutor de la ESAD y PD, Eladio de Pablo, a la presentación acudió'l direutor de comunicación de RTPA, Luis Andrés Fernández, que faló de lo prestoso d'asumir proyeutos como esti del radioteatru pal ente públicu, amás d'una esbilla d'actores y actrices participantes (Andrés Presumido, Antón Caamaño, Silvino Torre, Ana Belén León, Luis Barrera y María López). 

María López, Eladio de Pablo, Ana Belén León, Luis Barrera. Silvino Torre, Antón Caamaño, Dolfo Camilo Díaz y Andrés Presumido

Ente les declaraciones, Dolfo Camilo Díaz, qu'amás del direutor fue l'encargáu de guionizar toles histories, diba intercalando dalgunos cortes del programa. Asina, pudimos sintir la voz d'Andrés Presumido, dando vida al conferenciante del monólogu de Chèjov Sobre'l dañu que fai'l tabacu, pieza cola qu'escomenzó la emisión esti caberu sábadu 10 de mayu. Les d'Antón Caamaño, Silvino Torre y Ana Belén León´, nos sos respeutivos papeles dientro de la versión de La guerra de los mundos enantes citada. Y la de Luis Barrera y María López, actores amateurs que colaboraron en delles dramatizaciones, dando vida, ente otros, a Clarín y Ana Ozores.

Pero la llista d'actrices y actores participantes nun acaba equí. Amás, tuvieron delantre'l micro Carlos Alba "Cellero", Ladislao Arriola, Eduardo Azpiri, Katia Borlado, Olga Cuervo, Carlos Dávila, Del Río, Iván Fernández, Laura Iglesia, María del Mar López, José Ramón Oliva, Alberto Rodríguez, Aique Rodríguez, Kike Roselló, Camilo Souza y el grupu Tres Colores.

La primera temporada d'esti programa ta dividida en dos momentos: una, qu'escomenzó agora y finará en xunetu, y que tien como momentu cume la emisión de La Guerra de los mundos , de H.G. Wells y Orson Welles, en dos episodios; y otra, qu'entamará en setiembre, que xirará al rodiu de los cuatro episodios de La Rexenta, de Leopoldo Alas Clarín. Pero amás, daránse cita un grupu d'autores de nivel: l'anteriormente citáu Chèjov, Esopo, Cortázar, Conan Doyle y Bokovsky.

Por otru llau, el proyeutu tien como llingua vehicular l'asturianu, salvo un par de dramatizaciones en casteyán. Con ello, el teatru vuelve a amosar el so compromisu pa cola normalización de la llingua. Y más nún ente públicu, que nun cuenta con munchos espacios afayaízos pal idioma llariegu. Anque solo fuere por esto, ya sedría d'agradecer a Dolfo Camilo Díaz l'esfuerciu enorme. Pero ye que, amás, los resultaos son prestosísimos, tanto temática, como estilísticamente, lo que fala de la calidá del equipu téunicu y del valir dramáticu del equipu actoral.

La cita ye los sábados a les 22:00 hores, na RPA. Promete convertise nun clásicu.

Lleer más...

Axenda teatral (del 9 al 15 de mayu)

Vienres, 9 de mayu

• Avilés, Los Canapés, 18 h. Shapes, Zig Zag Danza.
• Avilés, Plaza'l Pescáu, 18 h., Mitoloxíes, Carlos Alba "Cellero". #TeatruInfantil #TNAst

• Colunga, Sala Loreto, Coses pa neños, Olga Cuervo. #TeatruInfantil #TNAst

 

• Samartín del Aurelio, Centru Polivalente de Sotrondio, 19 h, El tíu Antonín, Telón de Fondo #TNAst

• Xixón, Teatru de La Llaboral, 19 h., Nora, Mauro y los suaños, Nacho Fonseca. #TNAst #TeatruInfantil

• Xixón, Parque Hermanos Castro, 19:30 h., The Hole Show, Paco León y Yllana.
• Castrillón, Valey Centro Cultural, 20 h., Fue sin querer, Higiénico Papel Teatro
• Xixón, Parque Hermanos Castro, 22:30 h., The Hole Show, Paco León y Yllana.

Sábadu, 10 de mayu

• Uviéu, Teatru Campoamor, 18 h., Aladín. Un musical genial, Trencadis Producciones #TeatruInfantil
  
• Xixón, Teatru de La Llaboral, 19 h., Nora, Mauro y los suaños, Nacho Fonseca. #TNAst #TeatruInfantil
• Xixón, Parque Hermanos Castro, 19:30 h., The Hole Show, Paco León y Yllana.
• Uviéu, Teatru Campoamor, 20 h., Aladín. Un musical genial, Trencadis Producciones #TeatruInfantil
• Villaviciosa, Teatru Riera, 20 h., Show Park, Spasmo Teatro
• Llangréu, Nuevo Teatro de La Felguera, 20:15, Planeta Joselín, Escenapache #TNAst
• Xixón, Parque Hermanos Castro, 22:30 h., The Hole Show, Paco León y Yllana.

Domingu, 11 de mayu

• Navia, Escueles de Villapedre, 17 h., Paraíso fiscal, Santa Bárbara de Llaranes #TNAst

• Xixón, Quita Bertrand, 13 h., Karius y Baktus, Ververemos #TeatruInfantil
• Xixón, Quita Bertrand, 18 h., Karius y Baktus, Ververemos #TeatruInfantil 
• Uviéu, Teatru Campoamor, 18 h., Aladín. Un musical genial, Trencadis Producciones #TeatruInfantil
• Avilés, Centru Cultural Niemeyer, 19 h., En verdad os digo, Goyo Jiménez
• Xixón, Parque Hermanos Castro, 18 h., The Hole Show, Paco León y Yllana.
• Xixón, Parque Hermanos Castro, 20:45 h., The Hole Show, Paco León y Yllana. 

Martes, 13 de mayu

• Xixón, CMI El Llano, 19 h., Pareja abierta, Nerea Vázquez Torres

Miércoles, 14 de mayu

• Carreño, Teatru Prendes, 10 h. y 12 h., Quijote 400 y pico, Carlos Alba #TeatruInfantil
• Mieres, Casa de Cultura Teadoro Cuesta, 18 h., La casa de los cuentos, Cuentos Cuentos #TeatruInfantil
• Xixón, Parque Hermanos Castro, 20:30 h., The Hole Show, Paco León y Yllana.

Xueves, 15 de mayu

• Tinéu, Cine Marvi, 12 h., El viaje de Covaletti, Higiénico Papel Teatro #TeatruInfantil
• Xixón, Parque Hermanos Castro, 20:30 h., The Hole Show, Paco León y Yllana.

Circuitu de les Artes Escéniques del Principáu d'Asturies
1ª Temporada - Primavera 2014 de Teatru al Aire Llibre na Quinta Bertrand 
Xira The Hole Show
Muestra de Teatru Amateur del Principáu d'Asturies (FETEAS)
1ª Temporada de Teatru en Villapedre

Lleer más...

Diccionariu visual del teatru

Pa cellebrar la Selmana les Lletres Asturianes, voi apurrir unes cuantes palabres teatrales acompañaes d'una semeya. Les definiciones algameles del magníficu trabayu Terminoloxía de Teatru y Artes Escéniques, del qu'apurro enllaz na parte drecha d'esti blogue. Les imáxenes son del mio archivu personal, onde guardo munches interioridaes de los últimos años del mio grupu de teatru, la Compañía Asturiana de Comedias. Espero que vos preste.

 

 

 

  

 

Lleer más...