Axenda teatral (del 19 al 25 de setiembre)

Viernes, 19 de setiembre

• Siero, Casa de Cultura d'El Barrón, 18 hores, Más que magia, Pablo Picallo #Maxa #TeatruInfantil
• Uviéu, Campu San Francisco (Espeutáculu itinerante), 19 h., Retratarte, Cía Tiritirantes #TeatruInfantil
• Uviéu, Campu de San Francisco, 19 h., Sin remite, Cía. Los Kikolas #TeatruInfantil 
• Siero, Casa de Cultura de Llugones, 19:30 h., Toc, toc, Maliayo Teatro
• Castrillón, Valey Centru Cultural, 20 hores, La barraca del zurdo, Laviébel Cabaret
• Samartín del Rei Aurelio, Teatru Municipal de L'Entregu, 20 hores, El gallu vengador, La Cruz de Ceares #TNAst 

• Sotu'l Barcu, Teatru Clarín, 20 hores, La mala pata del alcalde, Teatro El Hórreo #TNAst
• Uviéu, Teatru Filarmónica, 20 hores, No te vistas para cenar, Descalzos Producciones
• Siero, Casino de Lieres, 21:30 h., El candidatu, Teatru Carbayín #TNAst 

• Uviéu, Teatru Filarmónica, 22:30 h., No te vistas para cenar, Descalzos Producciones

Sábadu, 20 de setiembre

• Uviéu, Campu de San Francisco, 17:15 h., Sin remite, Cía. Los Kikolas #TeatruInfantil
• Xixón, Teatru de La Llaboral, 18 hores, Veo veo, el musical, Teresa Rabal #TeatruInfantil
•  Uviéu, Campu de San Francisco, 18:45 h., Sin remite, Cía. Los Kikolas #TeatruInfantil
• Uviéu, Teatru Filarmónica, 20 hores, No te vistas para cenar, Descalzos Producciones
• Uviéu, Teatru Campoamor, 20 hores, Otello, Ópera de Oviedo #Ópera 
• Tapia, Casa de Cultura, 21 hores, La casa de la extranjera, Grupu de Teatru "San Tirso del Eo"
• Uviéu, Teatru Filarmónica, 22:30 h., No te vistas para cenar, Descalzos Producciones

Domingu, 21 de setiembre

• Uviéu, Campu San Francisco, 13 hores, Por fin!!, Cía PTV-Clowns #TeatruInfantil
• Uviéu, Campu San Francisco, 17:15 h., Pipirrana, Cía. Vagamundos Teatro #TeatruInfantil
• Uviéu, Campu San Francisco, 18:45 h., Cachibache y Pancho, Cía Vagamundos Teatro #TeatruInfantil
• Uviéu, Teatru Filarmónica, 20 hores, Carne de gallina, Teatro del Cuervo, La estampa Teatro y Arteatro #Estrenu

Llunes, 22 de setiembre

• Uviéu, Campu San Francisco, 17:15 h., Mr. Atchoum, Cía. Jean Philippe #TeatruInfantil 
• Uviéu, Campu San Francisco, 18:45 h., Mr. Atchoum, Cía. Jean Philippe #TeatruInfantil
• Uviéu, Teatru Filarmónica, 20 hores, Carne de gallina, Teatro del Cuervo, La estampa Teatro y Arteatro #Estrenu

Martes, 23 de setiembre

Miércoles, 24 de setiembre

• Sobrescobiu, Centru Cultural Vicente Areces, 12 hores, Simplemente magia, Jose Castiñeiras #Maxa #TeatruInfantil
• Xixón, CMI L'Arena, 19 hores, La mala pata del alcalde, Teatro El Hórreo #TNAst

Xueves, 25 de setiembre 

• Carreño, Teatru Prendes, 11:30 h., Xuan soldáu, Carlos Alba #TNast #TeatruInfantil

• Siero, Centro Cultural de La Fresneda, 19:30 h., Las troyanas, Teatro Kumen
• Xixón, Café Triquel Chigre, 22 hores, Con la muerte en los tacones, El riesgo es nuestro Teatro 
• Valdés, Polideportivu de Trevías, 22 hores, La mala pata del alcalde, Teatro El Hórreo #TNAst

Circuitu de les Artes Escéniques del Principáu d'Asturies
Muestra de Teatru Amateur del Principáu d'Asturies (FETEAS)
I Muestra de Teatru Cómicu Asturianu de Samartín del Rei Aurelio
Fiestes de San Mateo 2014
Teatru nel Trisquel
LXVII Temporada d'Ópera d'Uviéu

Lleer más...

Teatru Cómicu Asturianu en Samartín del Rei Aurelio

Esti vienres, el Grupu "La Cruz de Ciares" representa El gallu vengador nel entamu de la Muestra de Teatru Cómicu Asturianu de Samartín del Rei Aurelio. Ocho representaciones de grupos amateurs integraos en FETEAS, qu'enllenarán de rises el Teatru Municipal de L'Entregu, dende les 20 hores, los prósimos vienres, yá de seronda.

La Muestra sedrá la siguiente:

19 de septiembre.- El gallu vengador, de La Cruz de Ceares.
26 de septiembre.- Bailando baxo el orbayu, de Traslluz.
3 de octubre.- El candidatu, de Carbayín.
10 de octubre.- Toc, toc, de Maliayo
17 de octubre.- Aquellos maravillosos años, de Rosario Trabanco.
24 de octubre.- ¿Quién ye´l postreru?, de Chanclos Asgaya.
31 de octubre.- Muyerines, de Santa Bárbara.
7 de noviembre.- Las areóbicas, Les filanderes.

Axúntense equí obres de teatru costumista asturianu, con montaxes de anováu teatru de costumes, con representaciones de teatru d'humor, feches por xente d'Asturies, pero desaveraes d'un vínculu espacial concretu, polo que'l nome de la Muestra ye'l más acertáu que se pudiere alcontrar. Lo que ta claro ye que los organizadores, FETEAS y l'Ayuntamientu de Samartín del Rei Aurelio, quieren que la xente que s'avere al teatru'l conceyu pase unos momentos de rises y risotaes continues.

Lleer más...

Tu, yo... y el vecín (y José Ramón Oliva)

Diríamoslo milenta veces y, con otres milenta vegaes que lo digamos, va sonar poco que José Ramón Oliva ye'l másimu esponente del xéneru dramáticu n'asturianu anguaño y vanguardia nel procesu de modernización del teatru popular d'Asturies. Pa muestra'l botón que supunxo esti Salón de Teatru Costumista de Candás, onde l'autor sierense fue lleváu a escena por "Les Ayalgues de Carreño" en El calendariu, obra pola que fue merecedora del Premiu "Aurora Sánchez" 2014 al meyor testu costumista; pol Grupu de Teatru "Refaxu" de Blimea con L'Escarmientu (que fuera'l tiempu contempoaniu nel so montaxe El pasáu, el presente y el futuru); pol Grupu de Teatru "El Hórreo" de Barcia gracies a la so adautación de La mala pata del alcalde; y, por supuestu, pol Grupu de Teatru "Carbayín" de Siero, que dirixe y onde actúa, col estrenu absolutu de la obra Tu, yo... y el vecín.

La obra, que fuera representada nel Teatru Prendes de Candás el vienres 29 d'agostu, tien como trama la historia d'un "matrimoniu mozu que ta pasando por una crisis matrimonial pergorda, fasta’l puntu de tar decidíos a separtase. El vecín, paisanu metomentoo, intenta mediar p’arreglar los problemes, mentanto van recordando les circustancies que los llevaron a esi puntu". Esta trama, aparentemente cenciella, obliga a los tres actores a encarnar hasta a doce personaxes diferentes, consiguiendo llevar al públicu ensin problemes hasta'l períodu de postguerra. Poro, nun mos confundimos muncho si decimos qu'esti ye'l braeru teatru costumista d'anovación, un teatru cómicu que toca temes d'anguaño, siguiendo formes non clásiques. Y Carbayín (y Oliva) ye'l so representante más nidiu.

Tu, yo... y el vecín recibió les meyores crítiques de tol Salón de Teatru Costumista (con un sonoru "Cum laude" atribuyíu por "La Nueva España") y pensamos que ye más que merecío. Sicasí los Premios Aurora diéron-y la espalda. Cola idea dramática, el buen faer del elencu (compuestu pol propiu Oliva, Nati Fernández y Guillermo Suárez) y el buen faer de la estaya téunica (con M.M. Balmori y M.T. Balmori al cargu del maquillax y vestuariu, Ángel Mario Ordiales d'escenógrafu, Saúl Oliva a la illuminación y el soníu y a José Ramón Oliva na direición) yá tendrá más oportunidaes de conseguir otros premios.

Lleer más...

Axenda teatral (del 12 al 18 de setiembre)

Vienres, 12 de setiembre

• Uviéu, Campu San Francisco, 17:15 h., Zanzini Brothers, Cía. Maracaibo #TeatruInfantil
• Uviéu, Campu San Francisco, 18:45 h., Zanzini Brothers, Cía. Maracaibo #TeatruInfantil 
• Muros, Casa de Cultura, 20 hores, La mala pata del alcalde, El Hórreo de Barcia #TNAst 

• Uviéu, Teatru Filarmónica, 20:30 h., Una boda feliz, Iraya Producciones
• Corvera, El Llar de Les Vegues, 22:30, Tola verdá sobre'l pecáu, Teatru Carbayín #TNAst

Sábadu, 13 de setiembre

• Uviéu, Campu San Francisco, 17:15 h., Momentos Mágicos, Mago Rafa #TeatruInfantil #Maxa
• Uviéu, Campu San Francisco, 18:45 h., Momentos Mágicos, Mago Rafa #TeatruInfantil #Maxa 
• Llaviana, Casa de Cultura de La Pola, 20 hores, Los gemelos, La Cascaya #Estrenu
• Uviéu, Teatru Filarmónica, 20:30 h., Una boda feliz, Iraya Producciones

Domingu, 14 de setiembre

• Uviéu, Campu San Francisco, 17:15 h., Alegre divertimento, Cía. Arturello di Popolo #TeatruInfantil  
• Uviéu, Teatru Filarmónica, 18 hores, E-book, las edades del libro, Spasmo Teatro
• Uviéu, Campu San Francisco, 18:45 h., Alegre divertimento, Cía. Arturello di Popolo #TeatruInfantil 
• Cabrales, Carreña, 19 hores, Contigo pan y cebolla, Teatru Traslluz #TNAst 

• Uviéu, Teatru Campoamor, 19 hores, Otello, Ópera de Oviedo #Ópera
• Uviéu, Teatru Filarmónica, 20 hores, E-book, las edades del libro, Spasmo Teatro

Llunes, 15 de setiembre

• Uviéu, Campu San Francisco, 17:15 h., La bicicleta, Cía. Arturello di Popolo #TeatruInfantil 
• Uviéu, Campu San Francisco, 18:45 h., La bicicleta, Cía. Arturello di Popolo #TeatruInfantil
• Uviéu, Teatru Filarmónica, 20 hores, E-book, las edades del libro, Spasmo Teatro

Martes, 16 de setiembre

• Uviéu, Campu San Francisco, 17:15 h., La magia, Cía. Raúl Camagüey #TeatruInfantil #Maxa
• Xixón, CMI Pumarín-Gijón Sur, 18 hores, El circo de la pulga, Teatro Zurrumurru #TeatruInfantil
• Uviéu, Campu San Francisco, 18:45 h., La magia, Cía. Raúl Camagüey #TeatruInfantil #Maxa
• Uviéu, Teatru Filarmónica, 20 hores, Pero mira cómo beben, Ambigú Broadcast Media #TNAst
  
• Uviéu, Teatru Filarmónica, 22:30, Pero mira cómo beben, Ambigú Broadcast Media #TNAst

Miércoles, 17 de setiembre

• Uviéu, Campu San Francisco, 17:15 h., Ilusionando, Mago Daniel #TeatruInfantil #Maxa  
• Uviéu, Campu San Francisco, 18:45 h., Ilusionando, Mago Daniel #TeatruInfantil #Maxa   
• Uviéu, Teatru Campoamor, 20 hores, Otello, Ópera de Oviedo #Ópera
• Uviéu, Teatru Filarmónica, 20 hores, Brokers, Yllana Producciones
• Noreña, Casa de Cultura, 20 hores, La mala pata del alcalde, El Hórreo de Barcia #TNAst

Xueves, 18 de setiembre 

• Uviéu, Campu San Francisco, 17:15 h., A su servicio, Cía. Titiritantes #TeatruInfantil  
• Uviéu, Campu San Francisco, 18:45 h., A su servicio, Cía. Titiritantes #TeatruInfantil   
• Uviéu, Teatru Filarmónica, 20 hores, Brokers, Yllana Producciones
• Sotu'l Barcu, Teatru Clarín, 20:15 h., El alma de la melodía, El alma de la melodía

Circuitu de les Artes Escéniques del Principáu d'Asturies
Muestra de Teatru Amateur del Principáu d'Asturies (FETEAS)
Fiestes de San Mateo 2014
LXVII Temporada d'Ópera d'Uviéu

Lleer más...

Los ximielgos de La Cascaya

El Grupu de Teatru "La Cascaya" estrena esti sábadu 13 (20 hores), na Casa de Cultura de La Pola Llaviana, el so últimu espectáculo, Los gemelos, una revisión de la comedia del dramaturgu llatinu Plauto Menaechmi, considerada como una de les precursores nel xéneru d'enredu.

Manaechmi cuenta la historia de dos hermanos ximilegos, calcaos físicamente, nomaos Menecmo y Sosicles, perdiéndose el primeru de la mano del padre nun mercáu y adoptáu por una familia bien. L'ablucamientu del padre fai que muerra de dolor y el güelu camudá-y el nome a Sosicles pol de Menecmo. D'esta miente, dambos hermanos, separtaos, catendrán el mesmu nome y el mesmu aspeutu. L'enredu acaba de complicase cuando Sosicles (Menecmo II), yá d'adultu, decide dir a la gueta del hermanu perdíu. 

La versión de "La Cascaya", dirixía por Jairo Buelga y Olaya Suárez, ye fiel al testu de Plauto no que cinca na trama, pero tresllada la hestoria de la orixinal Epidamno a la imaxinaria Villasimplón y l'aición de la real Siracusa a la más afayaíza Pitiminí, averándola más a un espeutador que nun ha faer exercicios históricos, pa namái tener que dexase llevar pola comicidá de los diálogos y los caracteres.

"La Cascaya" inició la so andadura artística pol añu 2008, col estrenu de la obra de Darío Fo Aquí no paga nadie. Ésitu que se vio emponderáu colos montaxes posteriores Tu estás loco, Briones, Pon un idiota a la mesa, El programa de Alicia, L'apuesta los centollos (en collaboración con Kumen), los esqueches de Pastillita pastillita, el curtiumetraxe mineru La huída o la reivindicativa performance Guantánamo. Dalgunos de los sos miembros son habituales de la escena asturiana, participando en montaxes d'otros grupos y reconocíu'l so llabor con premios Aurora y Ciudad de Oviedo, ente otros; alcontramos así a Jairo Buelga, Desiree Lucena, Olaya Suárez, Zahara Ibáñez o Mario Alonso.

Una buena oportunidá pa realcontrase colos clásicos cómicos como Plauto.

Ficha artística
-Mario Alonso, Menecmo I (Pitiminí)

-Jairo Buelga, Menecmo II (Villasimplón) y vagabundu.

-Delfín Barbón, Cepillo

-Héctor Camblor, Mesenión.

-Cheli Alonso, Erotia y fada

-Desiree Lucena, Cilindra y hechicera

-Olaya Álvarez, muyer de Menecmo I

-Corsino Fernández, vieyu

-Jennifer Barbón, vagabunda

 

Ficha Téunica

-Direición: Jairo Buelga y Olaya Álvarez

-Illuminación y Soníu: Luis Camblor y Jennifer Barbón

-Vestuariu: Meli Barbón

-Material Audiovisual: Ramón Carrasco

-Escenografía: La Cascaya

-Istalación llétrica del espaciu escenicu: Nari Rozada y Pablo Amez.

Lleer más...

XII Edición de los Premios "Aurora Sánchez" 2014

Alrodiu'l XXIV Salón de Teatru Costumista Asturianu de Candás, el vienres 5 de setiembre aconceyáronse bien de representantes d'esti tipu de xéneru dramáticu nel Teatru Prendes de la capital carreñina, con motivu de la entrega de los Premios "Aurora Sánchez" 2014.

Estos premios, que rinden tributu a la gran dama del teatru asturianu, tienen por oxetivu l'allumar los llogros teatrales personales y grupales que pudieron vese nel Salón candasín. Dende unos años p'acá, el xuráu ta compuestu por dellos socios abonaos del Teatru Prendes, pa valorar los meyores actores, la meyor direición y dellos aspeutos téunicos.

Los premiaos fueron los siguientes:

• Premiu a la meyor direición: Gemma de Luis, del Grupu "Les Ayalgues de Carreño", pola obra El calendariu, una obra fecha por José Ramón Oliva, onde hubo dirixir a más d'una quincena d'actrices.
  

• Premiu a la meyor actriz: Nati Fernández, del Grupu "Carbayín", pola so interpretación de tres papeles diferentes na obra Tu, yo... y el vecín, de José Ramón Oliva (tamién actor y, a la empar, direutor del grupu).
  

• Premiu al meyor actor: Joaquín Fernández, veteranu actor del Grupu "El Hórreo" de Barcia, pol so papel d'Alcalde mui sobráu, que lu tuvo postráu nuna siella ruedes tola duración de La mala pata del alcalde, de Pedro Mario Herrero.
  

• Premiu al meyor actor secundariu: Armando Felgueroso, de la Compañía Asturiana de Comedias, pol so mozu cómicu Zapico, fogoneru de la locomotora La Allerana, testu d'Eladio Verde.
  

• Premiu a la meyor actriz secundaria: Covadonga Braña, del Grupu Cultural "Xana" de Perlora, pol so papel de Sinda na obra El fantasma de Cabrales, d'Eladio Verde.
  

• Premiu al meyor vestuariu y maquillaxe: Grupo "Santa Bárbara", pol so llabor na obra de Carmen Campo Paraísu Fiscal.

• Premiu al meyor decoráu y illuminación: Grupo "Padre Coll", pol trabayu d'ambientación del testu El cantar de los pipiolos, de Pedro Mario Herrero, onde s'axuntaron María del Mar Fernández, José Corsino Menéndez, Nuria Trabanco, Paqui Gil Mellado y Javier García.

Pero nel eventu diéronse otros premios nun otorgaos pol xuráu del Prendes.

Grupu "El Hórreo", Premiu Aurora del Públicu, con Joaquín Fernández, meyor actor del Salón.

En primer llugar, el Premiu Aurora Sánchez del Públicu del Salón -escoyíu sigún les votaciones del públicu asistente a les representaciones- llevólu'l Grupu de Teatru "El Hórreo" de Barcia, pol so espectáculu La mala pata del alcalde, onde intervinieron, amás del galardonáu Juaco Fernández, Pedro Rodríguez, Josefina Lombán, Pedro García, Patricia López y Chusa Juarros.

Armando Felgueros, "Min de Les Pieces", col "Aurora al meyor actor secundariu" y l'"Anxelu" de Monologuismu

Amás, falláronse dos premios lliterarios organizaos por FETEAS:

• Premiu Aurora Sánchez de testos costumistes: El calendariu, de José Ramón Oliva.

• Premiu "Carlos Álvarez Novoa": Ello yera una vez, de José Ramón Oliva (Carbayín) y La bolera d´oru, de Sergio Manuel Buelga (Compañía Asturiana de Comedias).

Por último, el Premiu "Anxelu" de Monologuismu otorgóse-y a Armando Felgueroso, "Min de Les Pieces", pola so carrera nesti campu tan específicu del mundu dramáticu asturianu.


La gala tuvo como filu conductor l'espectáculu presentáu y guionizáu por Alain Fernández La Gala siempre llama dos veces, que contó cola collaboracuión d'actores y actrices que tuvieron presentes colos sos grupos nel Salón. Amás, siguiendo a un guía bien especial, "Cellero", apaecieron, antroxaes como unes turiestes foriates na villa, les participantes nel Taller de Monologuismu que Carlos Alba imparte tolos branos, pa recibir el diploma acreditativu del buen aprovechamientu de lo impartíos.

Al acabar, tolos gallardonaos, los miembros del xuráu y los representantes de les istituciones acompañaron al direutor del Teatru Prendes enriba l'escenariu pa faer la pertinente foto de familia.

Un buen broche final al Salón de Teatru Costumista de Candás onde s'estrenaron ná menos qu'ocho obres que rondarán pelos escenarios asturianos esta temporada qu'acaba entamar.

Lleer más...

Axenda teatral (del 5 al 11 de setiembre)

Vienres, 5 de setiembre

• Carreño, Teatru Prendes de Candás, 20 hores, Entrega de Premios "Aurora Sánchez", XXIV Salón de Teatru Costumista de Candás #TNAst

• Xixón, Finca Bertrand de Somió, 20 hores, Qué xente + El concejal, Ververemos #TNAst

• Sotu'l Barcu, Teatru Clarín, 20:15, Por las nubes, La sonrisa del lagarto #TeatruInfantil

Sábadu, 6 de setiembre

• Vilanova d'Ozcos, Exterior de la Casa de Cultura, 17 hores, Historias recicladas, Tras la puerta Títeres #TeatruInfantil
• Xixón, Finca Bertrand de Somió, 20 hores, Las codornices, Ververemos 
• Avilés, Auditoriu del Centro Niemeyer, 21:30 h., ¿Qué hay de nuevo?, Leo Harlem

Domingu, 7 de setiembre

• Piloña, Robléu d'Anayo, 19:30 h., Salióme'l tiru pola culata, Grupu Traslluz #TNAst
  
  

Llunes, 8 de setiembre

• Samartín del Rei Aureliu, Teatru Municipal, L'Entregu, 19 hores, Tiempo de piratas. Teatro Margen #TeatruInfantil

Martes, 9 de setiembre

Miércoles, 10 de setiembre

• Xixón, CMI Pumarín Gijón-Sur, 19 hores, Cásasenos la neña, Rosario Trabanco #TNAst

Xueves, 11 de setiembre 

• Xixón, CMI Pumarín Gijón-Sur, 19 hores, Cásasenos la neña, Rosario Trabanco #TNAst
• Uviéu, Teatru Campoamor, 20 hores, Otello, Ópera de Oviedo #Ópera
  

Circuitu de les Artes Escéniques del Principáu d'Asturies
1ª Temporada - Branu 2014 de Teatru al Aire Llibre na Quinta Bertrand
Muestra de Teatru Amateur del Principáu d'Asturies (FETEAS)
VIII Festival de Teatru Amateur "Ciudad de Oviedo" 2014 (FETEAS)
XXIV Salón de Teatru Costumista Asturianu de Candás 2014
LXVII Temporada d'Ópera d'Uviéu

Lleer más...

Axenda teatral (del 29 d'agostu al 4 de setiembre)

Vienres, 29 d'agostu

• Xixón, Terraza de la Universidá Llaboral, 18 hores, Diestro y siniestro, Higiénico Papel Teatro #TeatruInfantil
• Corvera, Teatru El Llar de Les Vegues, 19 hores, El hombre flotante, José Armas El Ilusionista #Maxa
• Siero, Casa de Cultura de Llugones, 19 hores, El árbol de las estaciones, Kamante Teatro #TeatruInfantil
• Uviéu, Teatru Filarmónica, 20 hores, Arizona, La Capacha Teatro
• Xixón, Quinta Bertrand de Somió, 20 hores,  Las codornices, Ververemos
• Xixón, Teatru Jovellanos, 20:30 hores, La Allerana, Compañía Asturiana de Comedias #TNAst

• Teberga, Claustru de la Colexata, 20:30, Pieza teatral breve, Representación teatral de mozos
• Carreño, Teatru Prendes de Candás, 23 hores, Tu, yo... y el vecín, Teatru Carbayín #TNAst #Estrenu

Sábadu, 30 d'agostu

• Tinéu, Casa Cultura de Navelgas, 19 hores, Basurilla, La sonrisa del lagarto #TeatruInfantil
• Uviéu, Teatru Filarmónica, 20 hores, El rey se muere, La Peseta Teatro
• Xixón, Quinta Bertrand de Somió, 20 hores,  Las codornices, Ververemos
• Xixón, Teatru Jovellanos, 20:30 hores, La Allerana, Compañía Asturiana de Comedias #TNAst
• Avilés, Teatru Palacio Valdés, 22:30 h., Largo viaje del día hacia la noche, Borja Ortiz #Estrenu
• Carreño, Teatru Prendes de Candás, 23 hores, El cantar de los pipiolos, Grupu Padre Coll #TNAst
  

Domingu, 31 d'agostu

• Xixón, Quinta Bertrand de Somió, 18 hores,  La llave del tesoro, Ververemos #TeatruInfantil
• Xixón, Teatru Jovellanos, 20:30 hores, La Allerana, Compañía Asturiana de Comedias #TNAst

Llunes, 1 de setiembre

Martes, 2 de setiembre

Miércoles, 3 de setiembre

Xueves, 4 de setiembre 

• Uviéu, Ilesia de Cualloto, 20 hores, La Allerana, Compañía Asturiana de Comedias #TNAst

Circuitu de les Artes Escéniques del Principáu d'Asturies
1ª Temporada - Branu 2014 de Teatru al Aire Llibre na Quinta Bertrand
Muestra de Teatru Amateur del Principáu d'Asturies (FETEAS)
VIII Festival de Teatru Amateur "Ciudad de Oviedo" 2014 (FETEAS)
XXIV Salón de Teatru Costumista Asturianu de Candás 2014

XXVIII Muestra de Teatru de Llugones  
Xornaes de branu del programa EscenAvilés

Lleer más...

Axenda teatral (del 22 al 28 d'agostu)

Vienres, 22 d'agostu

• Corvera, Teatru El Llar, 19 hores, Nubes de cuento, Tras la puerta Títeres #TeatruInfantil
• Uviéu, Teatru Filarmónica, 20 hores, La trama, Teatru Kumen
• Nava, Plaza l'Ayuntamientu, 20:30 h., Tiempo de piratas, Teatro Margen #TeatruInfantil
• Avilés, Teatru Palacio Valdés, 22:30 h., Jugadores, Pau Miró
• Carreño, Teatru Prendes de Candás, 23 hores, Cásasenos la neña, Grupu Rosario Trabanco #TNAst #Estrenu
  

Sábadu, 23 d'agostu

• Uviéu, Teatru Filarmónica, 20 hores, La barca sin pescador, Odisea Teatro
• Valdés, Bustu, 20 hores, La mala pata del alcalde, Teatro El Horreo del Barcia #TNAst

 

• Xixón, Quinta Bertrand de Somió, 20 hores, Qué xente! + El concejal, Ververemos #TNAst 

• Xixón, Teatru Jovellanos, 20:30 h., La dama duende, Miguel Narros
• Avilés. Sala Club del Centru Niemeyer, 21 hores, Mongolia, el musical, Revista "Mongolia"  
• Carreño, Teatru Prendes de Candás, 23 hores, La Allerana, Compañía Asturiana de Comedias #TNAst #Estrenu

Domingu, 24 d'agostu 

• Xixón, Quinta Bertrand de Somió, La llave del tesoro, Ververemos #TeatruInfantil
• Carreño, Teatru Prendes de Candás, 23 hores, Bailando baxo l'orbayu, Grupu de Teatru Traslluz #TNAst #Estrenu

 Llunes, 25 d'agostu

• Pravia, Auditoriu José Barrera, horariu por confirmar, L'apuesta los centollos, Teatru Kumen #TNAst
• Siero, Casa de Cultura de Llugones, 22 hores, Casa de muñecas, Factoría Norte
• Carreño, Teatru Prendes de Candás, 23 hores, El troleru, Grupu de Teatru Ensin Reparu #TNAst

Martes, 26 d'agostu

• Siero, Casa de Cultura de Llugones, 22 hores, Teatro Precario, El perro flaco
• Carreño, Teatru Prendes de Candás, 23 hores, Una muyer d'armes tomar, Grupu de Teatru Chanclos Asgaya #TNAst #Estrenu

Miércoles, 27 d'agostu

• Sobrescobiu, Centru Cultural Vicente Álvarez de Rusecu, 12 hores, El gran Braulio, Adrián Conde #Maxa
• Uviéu, Teatru Filarmónica, 20 hores, Las aeróbicas, Grupu de Teatru Les Filanderes
• Pravia, Auditoriu José Barrera, 20 hores, La mala pata del alcalde, Teatro El Horreo del Barcia #TNAst
• Siero, Casa de Cultura de Llugones, 22 hores, Fue sin querer, Higiénico Papel Teatro
• Pravia, Auditoriu José Barrera, 22 hores, La mala pata del alcalde, Teatro El Horreo del Barcia #TNAst
• Castrillón, Valey Centru Cultural, 22:15 h., Valey, un espacio de misterio, Producciones Quiquilimón y Factoría Norte #TeatruInfantil
• Carreño, Teatru Prendes de Candás, 23 hores, Paraíso fiscal, Grupu de Teatru Santa Bárbara de Llaranes #TNAst #Estrenu

Xueves, 28 d'agostu

• Gozón, Casa Cultura de Lluanco, 20 hores, Shirley Valentina, Cronistar Producciones #TNAst

• Uviéu, Teatru Filarmónica, 20 hores, Ars Erótica, La Máscara Teatro
• Xixón, Teatru Jovellanos, 20:30 h., Adalí, Aida Gómez #Danza
• Avilés, Ilesia Vieya de Sabugo, 21 hores, Confesiones de San Agustín [Tarde te amé],Juan Carlos Pérez de la Fuente  
• Siero, Casa de Cultura de Llugones, 22 hores, Mujer, Factoría Norte
• Carreño, Teatru Prendes de Candás, 23 hores, La mala pata del alcalde, Grupu de Teatru El Hórreo de Barcia #TNAst

Circuitu de les Artes Escéniques del Principáu d'Asturies
1ª Temporada - Branu 2014 de Teatru al Aire Llibre na Quinta Bertrand
Muestra de Teatru Amateur del Principáu d'Asturies (FETEAS)
VIII Festival de Teatru Amateur "Ciudad de Oviedo" 2014 (FETEAS)
XXIV Salón de Teatru Costumista Asturianu de Candás 2014

XXVIII Muestra de Teatru de Llugones  
Xornaes de branu del programa EscenAvilés

Lleer más...

Wilde y los sos personaxes

Internet ta enlleno de cites d'esti autor irlandés del sieglu XIX que, anque fueron escrites pola so mano, nun salieron de la so boca, sinón que se creyaron pa que fueren espuestes en boca d'una actriz o d'un actor que diere vida a ún de los sos múltiples personaxes enllenos de locuacidá, quiciabes forciada pal gustu d'anguaño, pero mui aplaudía pol públicu contemporaniu de so. D'esta miente, alcontramos frases delirantes misóxines siguíes de frases d'un feminismu total; dalgunes d'un radicalismu políticu que choquen al llau d'otres de marcáu calter conservador; d'un cinismu ablucante... bueno, quiciás esta seya la mayor característica del teatru de Wilde: el llogru de conxugar nuna mesma obra les estructures d'una sociedá qu'aborrez, cola sorna qu'esos mesmos formulismos-y provocaben.

Encareme estos díes con cuatro obres de so. La importancia de ser Severu, una torna de The importance of being Earnest al asturianu de Lluis Aique Iglesias editada por Trabe; y, nun volumen editáu por Biblioteca Nueva, imprimíu en Segovia nel añu 1945, cuatro tornes al casteyán (por otru llau, terribles tornes  leístes y laístes al cargu de Cristóbal de Castro y Julio Gómez de la Serna): amás de La importancia de ser formal, enantes citada, El abanico de Lady Windermere (Lady Windermere's fan), Una mujer sin importancia (A woman of no importance) y Un marido ideal (An ideal husband).

Ye precisamente nesta última obra onde quiero deteneme. Fala Wilde de chantaxes a políticos que ganaren la so honorabilidá al traviés de la corrupción y de cómo la culpa por esta pue siguir a ún tola vida, siendo quien pa france-yla nel intre más insospecháu. Fala Wilde, tamién, calteniéndose dientro del costumismu que lu caracteriza, de los formulismos de la sociedá aristocrática londoniega de finales de la época Victoriana y cómo los siguíen toos pesie a tarrecelos abiertamente. Y fala Wilde del choque entre sexos que provoquen los prexuicios sociales espardíos ente eses castres, hasta'l puntu de convertir l'amor nuna cuestión pública.

Pero prestábame comentar la xenialidá del escritor británicu a la hora de creyar y definir a los sos personaxes. Más que los sos diálogos artificiosos y siempre ocurrentes, o la creativida de les sos trames enrevesaes, alcuentro'l gran valir del teatru wildianu equí. Esto ye braera Lliteraru en mayúscules. Güeyu a les siguientes acotaciones (solo voi trescribir lo referente a los personaxes):

"Mistress Marchmont y Lady Basildon, dos muyeres guapísimes, tán sentaes xuntes, nun canapé Luis XIV. Paecen dos esquisitos y fráxiles bibelots [Figurines pequeñes d'adornu]. L'afectación de les sos maneres tien un delicáu encantu. A Watteau tuviére-y prestao'l pintar los sos retratos.

Dibuxos de Watteau

 El vizconde de Najac, xoven agregáu d'Embaxada, a quien les sos corbates y la so anglomanía lu punxeron de moda, avérase, inclinándose ceremoniosamente y toma parte na so conversación.

"Entra lord Carvesham, un vieyu 'gentleman' de setenta años, qu'ostenta la cinta y la estrella de la Lliga [símbolos de The Most Noble Order of the Garter]. Tien un magníficu tipu lliberal, y recuerda esautamente a un retratu de Lawrence.

Retratu d'Alexander MacKenzie, por Lawrence

"Mabel Chiltern ye'l tipu perfeutu de la belleza inglesa, el tipu de flor de pomar. Tien tol perfume y tola llibertá d'una flor. Les rabaseres de reflexos de sol asocédense sobre'l so pelo; y la so boquina, de llabios enteabiertos, tien espresión d'espera, como la d'un neñu. Poseye la tiranía estelante de la mocedá y l'aplomu ablucante de la inocencia. Na xente sano d'espíritu nun provoca lo más mínimo la idega de la obra d'arte; pero paezse en realidá a una figulina de Tanagra, y fadia-y abondo que-y lo digan.

"Lady Markby ye una muyer agradable a la vista, buena, cenciella, col pelo gris de marquesa, y guapos encaxes.

"Mistress Cheveley, [...], ye mui alta y daqué dalgada. Llabios finísimos y mui coloraos; una llinia escarlata nel so rostru pálidu. Cabellos d'un coloráu venecianu, nariz llarga y delgada y cuellu esbeltu. Lo colorao del so pelo acentúa la palidez natural del cutis. Güeyos d'un gris verde y mui inquietos. Lleva un vistíu color heliotropu y munchos brillantes. Tien dalgo del aspeutu d'una orquidia y escita vivamente la curiosidá. Ye d'una gracia infinita nos sos movimientos. En fin, paez una obra d'arte, onde se manifestase, por embargu, la influyencia d'un númberu demasiao grande de secueles.

"[...] Robert Chiltern. Ye un home de cuarenta años, pero que paez más mozu. Va completamente rasuráu, tien los rasgos agradables y el pelo y los güeyos negros. Ye una personalidá notable. Nada popular: los homes notables sónlo rara vez. Pero la mayoría de los escoyíos demuestra-y una almiración fervorosa y les mases sienten por él un respetu fonderu. La nota carauterística de les sos maneres ye una distinción suprema acompañada d'un llixeru visu d'arguyu. Nótase que tien conciencia de la posición que se creyase na via. Temperamentu nerviosu con aspeutu de dexadez. La boca y los papos, pola enerxía del so rostru, contrasten cola espresión romántica de los güeyos, mui metíos. El contraste fai pensar nuna dixebra absoluta ente la pasión y la intelixencia, como si'l pensamientu y la emoción caltuviérense caúna na so propia esfera gracies a una intervención bastante violenta de la voluntá. Les alates de la nariz, y les manos pálides, afilaes y pequeñes, delaten un gran nerviosismu. Sedría inesauto calificalu d'home pintorescu: l'aspeutu pintorescu nun diba poder resistir l'ambiente de la Cámara de los Comunes. Pero a Van Dyck tuviére-y complacíolu'l copiar la so tiesta.

Auto-retratu d'Anton Van Dyck

"[...] lord Goring. Tien unos trenta y cuatro años, pero presume de ser más mozu. Cara distinguía, pero ensin espresión. Intelixente, tamién cuando nun-y agrada que lu tomen por ello. 'Dandy' irreprochable. Cafiaríalu enforma que lu consideraren como una ser novelescu. Xuega cola vida y ta nes meyores relaiciones de la sociedá. Présta-y ser mal entendíu: la ventaya de la posición apurri-y esto.

"Phipps, el mayordomo, ordena unos periódicos na mesa. La nota carauterística de Phipps ye la so impasibilidá. Dalgunos entusiastes proclamáronlu como'l mayordomu ideal. La Esfinxe nun ye tan misteriosa. El so porte créa-y una mazcara impenetrable. La Hestoria nun sabe nada de la so vida inteleutual o emotiva. Representa'l triunfu de la forma.

"[...] Enra lord Goring vestíu d'etiqueta, con una flor nel oxal. Lleva sombreru de seda, gabán d'Inverness, guantes blancos y bastón Luis XVI. Nun-y falta nin ún de los adornos de poca importancia que tán de moda. Vése que ye siempres l'home de vida moderno, y que créalo y gobiérnalo. Ye'l primer filósofu bien vestíu na Hestoria'l Pensamientu."

Lleer más...

XXIV Salón de Teatru Costumista Asturianu de Candás

El xueves 14, presentóse nel puestu de "La Nueva España" na Feria Internacional de Muestras d'Asturies el XXIV Salón de Teatru Costumista Asturianu de Candás, cita tradicional yá nel calendariu teatral asturianu que tien como epicentru'l Teatru Prendes de la villana carreñiega.

Van ser doce representaciones, ocho d'elles estrenos absolutos, qu'entamarán el miércoles día 20 y que llegarán hasta'l domingu 31. Ello ye, ná menos que doce díes ininterrupíos de teatru costumista y, poro, n'asturianu.

Saldrán a la lluz autores clásicos como Eladio Verde, con otros contemporanios que yá lo son, como José Ramón Oliva o Arsenio González. Amás, Carmen Duarte, Segis Meana y Camen Campo Mier, aporten les sos creyaciones pa los sos propios grupos, nuna fórmula que-yos lleva dando grande ésitos d'un tiempu p'acá.

El cartel ye'l siguiente:

• Miércoles 20.- El calendariu, de José Ramón Oliva, pol Grupu de Teatru Les ayalgues de Candás (Carreño). #Estrenu
• Xueves 21.- El pasáu, el presente y el futuru, del Grupu de Teatru Refaxu de Samartín del Rei Aurelio.
• Vienres 22.- Cásasenos la neña, de Manuel García Galano, pol Grupu de Teatru Rosario Trabanco de Xixón. #Estrenu
• Sábadu 23.- La Allerana, d'Eladio Verde, pola Compañía Asturiana de Comedias de Xixón. #Estrenu
• Domingu 24.- Bailando baxo el orbayu, de Carmen Duarte, pol Grupu de Teatru Traslluz de Xixón. #Estrenu
• Llunes 25.- El troleru, d'Arsenio González, pol Grupu de Teatru Ensin Reparu de Sebares (Piloña)
• Martes 26.- Una muyer d'armes tomar, de Segis Meana, pol Grupu de Teatru Chanclos Asgaya d'Uviéu #Estrenu
• Miércoles 27.- Paraíso fiscal, de Carmen Campo Mier, pol Grupu de Teatru Santa Bárbara de Llaranes (Avilés) #Estrenu
• Xueves 28.- La mala pata del alcalde, de Pedro Mario Herrero, pol Grupu de Teatru El Hórreo de Barcia (Valdés)
• Vienres 29.- Tu, yo y el vecín, de José Ramón Oliva, pol Grupu de Teatru Carbayín (Siero) #Estrenu
• Sábadu 30.- El cantar de los pipiolos, de Pedro Mario Herrero, pol Grupu de Teatru Padre Coll de La Felguera (Llangréu)
• Domingu 31.- El fantasma de Cabrales, d'Eladio Verde, pol Grupu de Teatru Xana de Perlora (Carreño) #Estrenu

Toles funciones escomiencen a les 23 hores y tienen un preciu de 4 euros pa los socios del Teatru Prendes y 6 euros pa los non socios. Merez abondo la pena porque el lema del Salón d'esti añu "Rii hasta quedar mudu". Tamos seguros de qu'asina va pasar.

Lleer más...

Axenda teatral (del 15 al 21 d'agostu)

Vienres, 15 d'agostu

• Uviéu, Teatru Filarmónica, 20 hores, Xente de la mar, Grupu Santa Bárbara #TNAst

• Xixón, Quinta Bertrand, 20 hores, Las codornices, Ververemos
• Xixón, Teatru Jovellanos, 20:30, Enfrentados, Compañía d'Arturo Fernández 
• Avilés, Plaza del Centru Niemeyer, 22:30, Pluto, Jesús Cimarro

Sábadu, 16 d'agostu

• Uviéu, Teatru Filarmónica, 20 hores, Si tas mala, nun vayas al médicu, Grupu Traslluz #TNAst 

• Valdés, Prau de la fiesta de Merás, 20 hores, La mala pata del alcalde, Teatro El Hórreo de Barcia #TNAst

• Xixón, Quinta Bertrand, 20 hores, Las codornices, Ververemos
• Xixón, Teatru Jovellanos, 20:30, Enfrentados, Compañía d'Arturo Fernández
• Avilés, Plaza del Centru Niemeyer, Humor al aire libre, Don Mauro, Quique Matilla, La Vikinga y David Broncano

Domingu, 17 d'agostu

• Xixón, Quinta Bertrand, 18 hores, Karius & Baktus, Ververemos #TeatruInfantil
• Tinéu, Casa Cultura, 19:30, Teatro de Karabás, Teatro Plus #TeatruInfantil
• Xixón, Teatru Jovellanos, 20:30, Enfrentados, Compañía d'Arturo Fernández
• Vilanova d'Ozcos, 22 hores, Yo maté a Kennedy... pero fue sin querer, Escenapache #TNAst

Llunes, 18 d'agostu

• Llanes, Esterior de la ilesia d'Ardisana, 20 hores, La bicicleta de Izel, Carlos Alba #TeatruInfantil
• Valdés, Plaza Carmen y Severo Ochoa de L.luarca, La mala pata del alcalde, Teatro El Hórreo de Barcia #TNAst

Martes, 19 d'agostu

Miércoles, 20 d'agostu

• Gozón, Casa de Cultura de Lluanco, 19:30, Cuatro hojas y la máquina fantabulosa, Producciones Quiquilimón #TeatruInfantil
• Carreño, Teatru Prendes de Candás, 23 hores, El calendariu, Grupu de Teatru Les Ayalgues. #TNAst #Estrenu

Xueves, 21 d'agostu

• Sobrescobiu, Centru Cultural Vicente Álvarez de Rusecu, 19:30, Basurilla, La sonrisa del lagarto #TeatruInfantil
• Gozón, Casa de Cultura de Lluanco, 20 hores, Fue sin querer, Higiénico Papel Teatro
• Salas, Salón d'actos del Centru La Veiga, 20 hores, Xuanón namoráu, Nun Tris #TNAst

• Uviéu, Teatru Filarmónica, 20:30, El cantar de los pipiolos, Grupu de Teatru Padre Coll #TNAst

• Xixón, Teatru Jovellanos, 20:30, La copla negra, Las chirigóticas
• Llanes, Casa Cultura, 22 hores, Adivina qué!, Adrián Conde #Maxa
• Tapia, Casa Cultura, 22 hores, Tres sainetes, Compañía Asturiana de Comedias #TNAst 

• Castrillón, Valey Centro Cultural, 22:15, Valey, un espacio de misterio, Factoría Norte y Producciones Quiquilimón #TeatruInfantil
• Carreño, Teatru Prendes de Candás, 23 hores, El pasáu, el presente y el futuru, Grupu de Teatru Refaxu #TNAst 

Circuitu de les Artes Escéniques del Principáu d'Asturies
1ª Temporada - Branu 2014 de Teatru al Aire Llibre na Quinta Bertrand
Muestra de Teatru Amateur del Principáu d'Asturies (FETEAS)
VIII Festival de Teatru Amateur "Ciudad de Oviedo" 2014 (FETEAS)
XXIV Salón de Teatru Costumista Asturianu de Candás 2014
Xornaes de branu del programa EscenAvilés 

Lleer más...

Notes d'un maestru

Toi esfrutando estos díes de branu, ente calorones y ensayos, de lleer teatru: Byron, Salom, Oliva... Y, agora mesmo, relleendo dos drames d'Ibsen (imprescindibles): Casa de muñeques y Hedda Gabler, nuna edición de bolsieyu asoleyada en casteyán por Alianza Editorial. 

Toi mui contentu con esta edición tornada y prologada por Alberto Adell. La torna tá mui llograda, hasta'l puntu que nun cuesta un res pensar que, realmente, los personaxes s'espresaben en casteyán. Les notes a la mesma son estupendes, siendo desplicaciones mui bien argumentaes sobre les decisiones del trescriptor n'aquellos conceutos que bien podíen ser ambiguos, faciendo auténticos repasos de la sociedá noruega del momentu cuando fueren escrites les obres. Y el prólogu céntrase nel so estudiu previu pa tornar les obres, desplicando les sos carauterístiques, que xustifiquen una edición conxunta, y de les reaiciones que provocaron.

Amás de la motivación del autor. Axunta una braera ayalga lliteraria: les notes onde Ibsen articula un esquema pa la redaición posterior de Casa de muñeques. Póngolu a continuación. (¡Esfrutái del primer pasu pa escribir una obra mayestra)

"Notes pa la traxedia actual.

Roma, 19-10-1878

Esisten dos tipos de códigu moral, dos tipos de conciencia, ún pal home y otru, diferente dafechu, pa  la muyer. Nun s'entienden ente sí; pero xúzgase a la muyer na vida práutica sigún la llei del home, como si nun fuere una muyer, sinón un varón.

La esposa nel drama nun sabe cómo estremar lo que ye xusto o inxusto; el sentimientu natural, por un llau, y la confianza n'autoridá, por otru, déxenla nun tracamundiu total.

Una muyer nun ye quien a ser auténticamente ella mesma na sociedá d'anguaño, que ye una sociedá esclusivamente masculina, con lleis escrites polos homes, con fiscales y xueces que conderguen la conducta de la muyer dende un puntu de vista masculín.

Fizo dalgo mal, dalgo qu'anguaño constitúi'l so arguyo, porque lo ficiere por amor p'hacia'l so home, pa salva-y la so vida. Pero esti home caltiénse a la honorabilidá corriente sigún el códigu y xuzga l'asuntu dende'l puntu de vista masculín.

Conflictu moral. Abochornada y perdía embaxo'l respetu a l'autoridá, pierde la confianza na so razón moral y na so capacidá pa educar a los sos fíos. Amargor. Una madre na sociedá d'anguaño [pue], como dellos inseutos, morrer cuando cumplió la so misión de propagar la especie. Amor a la vida, al llar, al home y a la reciella y la familia. Itermitente axitación femenina de pensamientos. Angustia de sópitu y espantu periódicos. Too ha ser aguantao a soles. La catástrofe avérase irremediablemente, inevitablemente. Desesperación, llucha y destruición."

Quien tenga lleío Casa de muñeques sabe qu'Ibsen llogra tresmitir toos estos propósitos. (Quien nun la tenga lleío, yá tien deberes p'agostu)

Lleer más...

Axenda teatral (del 8 al 14 d'agostu)

Vienres, 8 d'agostu

• Uviéu, Teatru Filarmónica, 20 hores, La mala pata del alcalde, Teatru "El Híorreo" de Barcia. #TNAst

• Xixón, Quinta Bertrand de Somió, 20 hores, Las codornices, Ververemos #Estrenu
• Xixón, Teatru Jovellanos, 20:30 hores, Fuego, Fundación Antonio Gades #Danza
• Avilés, Teatru Palacio Valdés, 22:30 hores, El crédito, Carlos Hipólito y Luis Merlo
• Corvera, El Llar de Les Vegues, 22:30 hores, Parasoles barrocos, El callejón del gato

Sábadu, 9 d'agostu

• Muros, Muelle de San Esteban, 19 hores, Silencio, lectores trabajando, Tras la puerta Títeres #TeatruInfantil
• Uviéu, Teatru Filarmónica, 20 hores, Aquellos maravillosos años, Grupu Rosario Trabanco #TNAst

• Xixón, Quinta Bertrand de Somió, 20 hores, Las codornices, Ververemos
• Xixón, Teatru Jovellanos, 20:30 hores, El crédito, Carlos Hipólito y Luis Merlo
• Tapia, Audotoriu de la Casa de Cultura, 22 hores, Gala solidaria, Os mesmos de sempre

Domingu, 10 d'agostu

• Xixón, Quinta Bertrand de Somió, 18 hores, La llave del tesoro, Ververemos #TeatruInfantil
• Muros, Casa de Cultura, 20 hores, Cuentos de casa, Tras la puerta Títeres #TeatruInfantil
• Xixón, Teatru Jovellanos, 20:30 hores, El crédito, Carlos Hipólito y Luis Merlo
• Tapia, Audotoriu de la Casa de Cultura, 22 hores, Gala solidaria, Os mesmos de sempre

Llunes, 11 d'agostu

• Navia, Plaza l'Ayuntamientu, 22 hores, La mala pata del alcalde, Teatru "El Híorreo" de Barcia. #TNAst

Martes, 12 d'agostu

• Navia, Casino de Veiga, horariu por confirmar, L'apuesta los centollos, Teatru Kumen #TNAst 

• Xixón, Teatru Jovellanos, 20:30, Enfrentados, Compañía d'Arturo Fernández

Miércoles, 13 d'agostu

• Gozón, Casa Cultura de Lluanco, 19:30 hores, Parasoles barrocos, El callejón del gato
• Carreño, Teatru Prendes de Candás, 20 hores, Con urgencia. Medicina sobre ruedas, Higiénico Papel Teatro 
• Xixón, Teatru Jovellanos, 20:30, Enfrentados, Compañía d'Arturo Fernández

Xueves, 14 d'agostu

• Xixón, Quinta Bertrand de Somió, 20 hores, Las codornices, Ververemos
• Xixón, Teatru Jovellanos, 20:30, Enfrentados, Compañía d'Arturo Fernández

Circuitu de les Artes Escéniques del Principáu d'Asturies
1ª Temporada - Branu 2014 de Teatru al Aire Llibre na Quinta Bertrand
Muestra de Teatru Amateur del Principáu d'Asturies (FETEAS)
VIII Festival de Teatru Amateur "Ciudad de Oviedo" 2014 (FETEAS)
Xornaes de branu del programa EscenAvilés 

Lleer más...